Sharanyń ótýine oblystyq tarıhı-mádenı murany qorǵaý, qalpyna keltirý jáne paıdalaný ortalyǵy uıytqy boldy. Sharanyń maqsaty – tarıhı-mádenı nysandardy nasıhattaı otyryp, eskertkishterdi qorǵaý jaıynda turǵyndarǵa aqparattandyrý-aǵartý jumystaryn júrgizý.
Arheologıalyq eskertkishtermen qosa kıeli oryndardyń fotosýretteri qoıylǵan kórme qala ákimdiginiń ǵımaraty aldyna jáne sıtadel qaqpasyna baratyn aıaqjol alańqaıyna qoıyldy. Kórmeni tamashalaǵan qala turǵyndary men qonaqtary sýretterdi qyzyqtaı júrip, eskertkishterdi qorǵaý salasynda atqarylyp jatqan sharýalarmen tanysty.
Túrkistan oblysynda 1 nysan «IýNESKO» sheńberindegi halyqaralyq mańyzy bar eskertkishter sanatyna jatsa, 31 nysan respýblıkalyq mańyzy bar, 423 nysan jergilikti mańyzy bar eskertkish sanalady. Aıta keteıik, tarıhı-mádenı eskertkishterdi búldirý, qasaqana joıý áreketteri QR Ákimshilik quqyq buzýshylyq týraly kodeksiniń talaptaryna saı 10 AEK-ten bastap, 250 AEK-ke deıin aıyppul salýǵa ákep soqtyrady. Sonymen qatar, QR Qylmystyq kodeksiniń talaptaryna saı 3 jyldan 7 jylǵa deıin bas bostandyǵynan aıyrý jazasyna tartýǵa jetkizýi múmkin.
