Qazaq jurty men attyń birtutas ári kóne zamannan birge kele jatqandyǵyn baiandaidy. Osyǵan orai, oblys ákimi Janseiit Túimebaevtyń bastamasymen ulttyq qundylyqtar men týrizmdi damytýǵa arnalǵan sharalar josparynyń biri retinde «Salbýryn mereke ǵoi saiatshyǵa» degen ataýmen Jabaǵyly aýylynda ótti. Sondai-aq, shara maqsaty – túp-tamyrymyzǵa úńilip, sana túkpirindegi ulttyq rýhty oiatý.
Festival – búrkit pen tazy salý saiystarymen bastaldy. Ózara myqtyny anyqtaǵan búrkitshiler men jeti qazynanyń tilin túsingender merekege kelgen qonaqtardyń qyzyǵýshylyǵyn oiatty. Shara aiasynda qonaqtar Salbýryn saiatshylyq merekesine arnalǵan kórmemen tanysty. Sonymen qatar, búrkit, tazylardyń ań alý jáne jamby atý kórinisterine tánti boldy. Shara sońynda saiatshylar saiysynyń qorytyndysy shyǵaryldy. Merekede ár saiystyń túrine bailanysty baǵy janǵandardyń mereii ústem bolyp, birqatar qusbegiler men tazy baptaýshylar marapatqa ie boldy. Mereke sońy kontserttik baǵdarlamaǵa ulasty.
Aita keterligi, osyndai is-sharalar jyldan-jylǵa óz nátijesin berýde. Máselen, byltyr Túrkistan oblysyna alys-jaqyn shet memleketterden kelýshiler sany 7,7 paiyzǵa artqan. Bir ǵana Túrkistan qalasyna 1 milionnan astam týrist taban tirese, 2025 jylǵa qarai bul kórsetkishti 5 millionǵa jetkizý kózdelip otyr.
Túrkistan oblysy ákiminiń baspasóz qyzmeti
