Ótken táýlikte 11 turǵyn syrqattandy. Ólim jaǵdaılary tirkelgen joq. Oblys boıynsha qajetti ınfeksıalyq tósek-oryn uıymdastyrylǵan. Emdelýshiler arasynda jaǵdaıy aýyr eshkim joq.
Túrkistan oblysynyń ákimi Ómirzaq Shókeevtiń tóraǵalyǵymen ótken aptalyq apparat otyrysynda oblys aýmaǵyndaǵy koronavırýs ınfeksıasyn aldyn alý men sanıtarlyq-epıdemıologıalyq jaǵdaı týraly baıandaldy.
Túrkistan oblystyq qoǵamdyq densaýlyq basqarmasynyń basshysy Marat Pashımovtyń málimdeýinshe, koronavırýstyq ınfeksıanyń ár túrli senarıine baılanysty ınfeksıalyq tósek-oryn sanyn 3 myńǵa ulǵaıtýǵa múmkindik bar.
Qazirgi ýaqytta Túrkistan oblysy KVI aýrýshańdyǵynyń kórsetkishi boıynsha QR boıynsha «jasyl» aımaqta ornalasqan.
Óńirde revaksınasıa jumystary qarqyndy júrgizilýde. Búgingi tańǵa 765 myńǵa jýyq (84,4%) adam egildi. Mamyr aıynan bastap qaıta revaksınasıadan 30 myńǵa jýyq adam ótti.
Túrkistan oblysynyń medısınalyq uıymdarynda koronavırýstyq ınfeksıany emdeý jáne dıagnostıkalaýǵa arnalǵan klınıkalyq hattamasyna sáıkes, dárilik zattar tapshylyǵyn joıý maqsatynda dári-dármektiń eki aılyq rezervtik qory qalyptastyrylǵan. Atqarylyp jatqan jumystar turaqty baqylaýda.
