وتكەن تاۋلىكتە 11 تۇرعىن سىرقاتتاندى. ءولىم جاعدايلارى تىركەلگەن جوق. وبلىس بويىنشا قاجەتتى ينفەكسيالىق توسەك-ورىن ۇيىمداستىرىلعان. ەمدەلۋشىلەر اراسىندا جاعدايى اۋىر ەشكىم جوق.
تۇركىستان وبلىسىنىڭ اكىمى ءومىرزاق شوكەيەۆتىڭ توراعالىعىمەن وتكەن اپتالىق اپپارات وتىرىسىندا وبلىس اۋماعىنداعى كوروناۆيرۋس ينفەكسياسىن الدىن الۋ مەن سانيتارلىق-ەپيدەميولوگيالىق جاعداي تۋرالى باياندالدى.
تۇركىستان وبلىستىق قوعامدىق دەنساۋلىق باسقارماسىنىڭ باسشىسى مارات پاشيموۆتىڭ مالىمدەۋىنشە، كوروناۆيرۋستىق ينفەكسيانىڭ ءار ءتۇرلى سەناريىنە بايلانىستى ينفەكسيالىق توسەك-ورىن سانىن 3 مىڭعا ۇلعايتۋعا مۇمكىندىك بار.
قازىرگى ۋاقىتتا تۇركىستان وبلىسى كۆي اۋرۋشاڭدىعىنىڭ كورسەتكىشى بويىنشا ق ر بويىنشا «جاسىل» ايماقتا ورنالاسقان.
وڭىردە ريەۆاكسيناسيا جۇمىستارى قارقىندى جۇرگىزىلۋدە. بۇگىنگى تاڭعا 765 مىڭعا جۋىق (84،4%) ادام ەگىلدى. مامىر ايىنان باستاپ قايتا ريەۆاكسيناسيادان 30 مىڭعا جۋىق ادام ءوتتى.
تۇركىستان وبلىسىنىڭ مەديسينالىق ۇيىمدارىندا كوروناۆيرۋستىق ينفەكسيانى ەمدەۋ جانە دياگنوستيكالاۋعا ارنالعان كلينيكالىق حاتتاماسىنا سايكەس، دارىلىك زاتتار تاپشىلىعىن جويۋ ماقساتىندا دارى-دارمەكتىڭ ەكى ايلىق رەزەرۆتىك قورى قالىپتاستىرىلعان. اتقارىلىپ جاتقان جۇمىستار تۇراقتى باقىلاۋدا.
