2 shildede Túrkistan qalasynda qyzmettik mindetin atqarý barysynda Túrkistan qalalyq politsiia basqarmasy patrýldik politsiia batalonynyń aǵa inspektory, politsiia kapitany Baýyrjan Qonysbekov qaza tapty, dep habarlaidy dalanews.kz.
Aldyn ala málimetke sáikes patrýldik politsiia ekipajy jol qozǵalysy erejesin óreskel buzyp, ózge jol qozǵalysyna qatysýshylardyń ómirine qaýip tóndirgen jeńil kólik júrgizýshisin toqtatýǵa shyqqan.
Osy kezde Sattarhanov dańǵyly men Taraz kóshesi qiylysynda patrýldik politsiianyń Chevrolet Cobalt qyzmettik kóligi jol apatyna ushyraǵan. Aýyr jaraqat alǵan Baýyrjan Qonysbekov oqiǵa ornynda kóz jumǵan.
Bul derek boiynsha sotqa deiingi tergep-tekserý bastaldy. Qazir oqiǵanyń barlyq mán-jaiyn anyqtaýǵa baǵyttalǵan tergeý jáne jedel izdestirý sharalary júrgizilip jatyr. Tergeý nátijesine sáikes zań aiasynda protsessýaldyq sheshim qabyldanady.
Ishki ister ministrligi jáne Túrkistan oblysy Politsiia departamenti marqumnyń týǵan-týystaryna, jaqyndaryna kóńil aitty.
