Memlekettik keńesshi Erlan Qarin Túrkistanda ótip jatqan «Zaman men mádeniet dialogyndaǵy Iasaýi murasy: gýmanistik baǵyt-baǵdar men zamanaýi syn-qaterler» atty halyqaralyq simpoziýmnyń ashylýyna qatysty, dep habarlaidy Dalanews.kz
Bul simpoziýmdy ótkizý týraly bastamany Memleket basshysy Ulttyq quryltaidyń Atyraýda ótken úshinshi otyrysynda kótergen edi. Prezident alqaly jiynda: «Qoja Ahmet Iasaýi muralaryn tereń zerdelep, dáripteýge de airyqsha nazar aýdarǵan jón. Bul másele boiynsha eń áýeli óz elimizdiń jáne sheteldiń ǵalymdaryn shaqyryp, arnaiy simpoziým ótkizý qajet» degen bolatyn.
Erlan Qarin Memleket basshysynyń simpoziýmǵa qatysýshylarǵa arnalǵan quttyqtaý hatyn oqydy.
Memlekettik keńesshi bul simpoziým Iasaýidiń gýmanistik ideialaryn júieli zertteýge jáne rýhani-ziiatkerlik murasyn nasihattaýǵa zor úles qosatynyn atap ótti.
Jiynǵa elimiz ben Ázerbaijan, Germaniia, Úndistan, Iran, Italiia, Qyrǵyzstan, Resei, AQSh, Tájikstan, Túrikmenstan, Túrkiia, Ózbekstan jáne Japoniia elderinen kelgen júzge jýyq belgili ǵalymdar qatysyp jatyr. Simpoziýmdaǵy taqyryptyq sektsiialar aiasynda Iasaýi murasynyń túrli qyrlaryn qamtityn ǵylymi baiandamalar jasalyp, pikirtalastar bolady. Sondai-aq ǵalymdar ózara tájiribe almasady.
