Túrkistanda qazaq kúresinen eresekter arasynda Qajymuqan Muńaitpasulynyń júldesine arnalǵan Álem kýbogynyń ashylý saltanaty ótti. Týrnirdiń ashylý saltanatynda oblys ákiminiń orynbasary Ertai Altaev Memleket basshysy Joldaýda buqaralyq sportty damytý men halyqtyń densaýlyǵyn jaqsartý máselesine erekshe kóńil bólgenin aityp, sońǵy ýaqytta óńirimizde sport salasy serpindi damyp kele jatqanyn atap ótti. Sondai-aq sportshylarǵa sáttilik tiledi, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Túrki áleminiń rýhani astanasy, qasietti Túrkistan tórinde qazaq dalasynyń batyry, kúsh atasy Qajymuqan Muńaitpasov atyndaǵy qazaq kúresinen eresekter arasyndaǵy Álem kýbogyna qosh keldińizder. Qazaq kúresiniń ulttyq sport túrleriniń ishinde ózindik orny erekshe. Qazirgi ýaqytta álemniń 40-tan asa memleketinde ulttyq kúresimizden federatsiialar qurylyp, jumystar atqarýda. Ózderińizge belgili, qazaq kúresinen Álem, Aziia, Afrika jáne Eýropa chempionattary ótkizilip, damýdyń jańa deńgeiine kóterildi. Keiingi on jyl kóleminde joǵary deńgeide uiymdastyrylyp, ótkiziletin «Turan barysy», «Qazaqstan barysy», «Eýraziia barysy» jáne «Álem Barysy» dodalary da búginde kórermen kózaiymyna ainalyp otyr. Bul is-sharalardyń barlyǵy buqara halyq arasynda salaýatty ómir saltyn nasihattaýǵa, sporttyq dástúr men ádet-ǵuryptardy saqtaýǵa ózindik zor úlesin qosýda, – dedi Ertai Kenjebekuly.
Qazaq dalasynyń batyry, kúsh atasy Qajymuqan Muńaitpasulynyń júldesine arnalǵan dodanyń baǵdarlamasyna sáikes, balýandar 55, 60, 66, 74, 82, 90, 100, +100 keli salmaq dárejesinde beldesedi.
Jeńimpazdar men júldegerlerge qarjylai syilyq qarastyrylǵan. Atap aitqanda, Álem kýboggynyń jeńimpazdaryna 500 myń teńgeniń, sáikesinshe kúmis jáne qola júldegerlerine 300 jáne 200 myń teńgeniń sertifikattary tabystalady. Sonymen qatar jeńimpazdardyń jattyqtyrýshylaryna da aqshalai syilyq bar.
