Túrkistan oblysynda qarjy piramidasyn uiymdastyrý isi boiynsha sot úkimi shyqty. Aiyptalýshylar oryndyǵynda 20 adam otyr. Olardyń arasynda muǵalimder, dárigerler, býhgalterler jáne jumyssyzdar bar, dep habarlaidy Dalanews.kz 31 arna-ǵa silteme jasap.
Is materialdaryna sáikes, qarjy piramidasynyń qyzmetine 279 salymshy tartylǵan. Alaida sot olardyń tek 54-in jábirlenýshi retinde tanydy.
Sottalǵandardyń eń jasy – 24 jasta, al eń úlkeni – 65-te. Alaiaqtardyń biri buryn da sotty bolǵan. Keibir aiyptalýshylar kinásin ishinara moiyndady. Eki adam 5 jarym jylǵa bas bostandyǵynan aiyrylsa, on eki adamǵa 2 jylǵa bostandyǵyn shekteý jazasy berildi. Taǵy bes adam 3 jylǵa sottaldy.
“Uiymdastyrýshylardyń biri Qylmystyq kodekstiń 217-baby 3-bóliginiń 2-tarmaǵy – "Qarjy (investitsiialyq) piramidasyn qurý jáne oǵan basshylyq etý" boiynsha kináli dep tanylyp, 7 jylǵa bas bostandyǵynan aiyryldy. Sonymen qatar oǵan dál osy merzimge halyqtan qarjy tartý jáne investitsiia salasyna qatysty qyzmetpen ainalysýǵa tyiym salyndy”, – dep habarlady oblystyq sotta.
Jábirlenýshilerge keltirilgen zalaldyń jalpy somasy 392 million teńgege jetip otyr. Bul qarajatty óndirý isi áli alda.
