– Elbasymyzdyń Túrkistandy oblys ortalyǵy dep áıgileýi beker emes. Bul qalany túrki áleminiń rýhanı, mádenı ortalyǵy etý alǵa qoıǵan basty maqsatymyzdyń biri. Óıtkeni, munda ótkennen syr shertetin túrkitildes halyqtarǵa ortaq mádenı muralar men tarıhı eskertkishter oryn tepken. Sondaı-aq, bizdiń rýhymyz ben bedelimizdi asqaqtatyp turǵan Qoja Ahmet Iassaýı kesenesiniń orny bir tóbe. Sebebi qazaq tarıhynda óshpes iz qaldyrǵan 21 han, 19 bı, 52 batyr, 8 sultan máńgilik mekenin osy kıeli topyraqtan tapty. Barlyǵy bizdiń osylaı baqytty ómir súrýimizge ólsheýsiz úles qosqan asyl tulǵalar. Endeshe, biz beıbit zamanda ata-baba amanatyna adaldyq tanytyp, týǵan ólkemizdi túletýge barlyǵymyz atsalysýymyz qajet, – dedi Janseıit Qanseıituly.
Merekelik jıynda oblys ákimi qalanyń ekonomıkalyq damýyna úles qosyp kele jatqan 11 adamǵa Túrkistan qalasynyń «Qurmetti azamaty», 12 adamǵa Túrkistan qalasynyń damýyna sińirgen eńbegi úshin tósbelgilerimen marapattady. Sondaı-aq, óńirimizdiń tanymal ónerpazdary jınalǵan kópshilikke án men jyrdan shashý shashty.
Saltanatty sharaǵa halyqaralyq túrki áleminiń forýmyna kelgen Túrkıa, Úndistan, Ózbekstan, Bolgarıa, Iran, Reseı, Daǵystan elderiniń ádebıetshileri men aqyn-jazýshylary «Qala kúnine» arnalǵan merekelik sharasyna arnaıy qatysty. Aıtýly sharadan soń, óńir basshysy mártebeli meımandardy jeke qabyldap, túbi bir tarıhy ortaq baýyrlas elder arasyndaǵy ǵylym men mádenıet salasyndaǵy ózara baılanystardy nyǵaıtý jaıynda pikir almasty.
Túrkistan oblysy ákiminiń baspasóz qyzmeti
