Búgin Túrkistan oblystyq «Farab» ámbebap ǵylymi kitaphanasynda Memleket basshysy Qasym-Jomart Kemelulynyń «Ortalyq Aziia renessansy: ornyqty damý jáne órkendeý joly» taqyrybyndaǵy maqalasyn nasihattaý maqsatynda ǵalymdar basqosýy ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Jiynǵa tarih ǵylymdarynyń doktory, professor Hazretáli Tursyn, filologiia ǵylymdarynyń doktory, professor – Seidýlla Sadyqov, tarih ǵylymdarynyń kandidaty – Baian Adyrbek, kompozitor, professor – Bekjigit Serdáli, dotsent, Túrkistan oblysy QHA janyndaǵy Analar keńesiniń tóraiymy – Gúlsara Toqqulova, ulaǵatty ustaz zeinetker – Nesipkúl Ótebaeva, Túrkistan oblystyq Jastar resýrstyq ortalyǵynyń bólim meńgerýshisi – Aqtóre Qairat jáne kitaphana direktory Janat Shardarbekova, ustazdar, oqyrmandar jáne kitaphanashylar qatysty. Sonymen qatar, oblys aýmaǵyndaǵy aýdandyq kitaphana direktorlary da jiynǵa onlain túrde qatysty.
Ǵalymdar tarapynan birqatar qoldaý men usynystar tústi. Atap aitqanda, oblystyq «Farab» kitaphanasynyń uiymdastyrýymen Ortalyq Aziia elderiniń ulttyq kitaphanalaryna ziialy qaýym ókilderi jáne kitaphanashylarynyń qatysýymen ádebi sapar ótkizip, elimizdiń ádebi-mádeni tynysyn tanystyrýdy qolǵa alý, Ózbekstan, Qyrǵyzstan, Tájikstan, Túrkmenstan elderine qazaq mádenietin nasihattap, rýhani bailanys ornatý syndy usynystar talqylandy.
