Túrkistanda eki balasyn óltirdi degen kúdikke ilingen áiel ustaldy, - dep habarlaidy Dalanews.kz.
Oblystyq politsiia departamenti málimetinshe, jedel-tergeý is-sharasy júrgizilgen. Jedel ýákilder kúdiktini Shymkenttegi qonaqúilerdiń birinde ustaǵan.
"Adam óltirý deregi boiynsha barlyq mán-jaidy anyqtaý maqsatynda tergeý júrgizilip jatyr. Tiisti saraptamalar taǵaiyndaldy. Kúdikti áiel qamaýǵa alyndy. Istiń tergeý barysy meniń jeke baqylaýymda", - dep málimdedi Túrkistan oblysy Politsiia departamentiniń bastyǵy Murat Qabdenov.
Oqiǵa keshe boldy. Jergilikti basylymdar málimetinshe, áiel Qyzylorda oblysy Shieli aýdanyndaǵy A.S.Pýshkin atyndaǵy N46 mektep-litseiiniń mektepke deiingi mekemesinde tárbieshi bolyp jumys istegen. Muny Shieli aýdandyq bilim bólimi rastaǵan.
