تۇركىستاندا ەكى بالاسىن ءولتىردى دەگەن كۇدىككە ىلىنگەن ايەل ۇستالدى، - دەپ حابارلايدى Dalanews.kz.
وبلىستىق پوليسيا دەپارتامەنتى مالىمەتىنشە، جەدەل-تەرگەۋ ءىس-شاراسى جۇرگىزىلگەن. جەدەل ۋاكىلدەر كۇدىكتىنى شىمكەنتتەگى قوناقۇيلەردىڭ بىرىندە ۇستاعان.
"ادام ءولتىرۋ دەرەگى بويىنشا بارلىق ءمان-جايدى انىقتاۋ ماقساتىندا تەرگەۋ جۇرگىزىلىپ جاتىر. ءتيىستى ساراپتامالار تاعايىندالدى. كۇدىكتى ايەل قاماۋعا الىندى. ءىستىڭ تەرگەۋ بارىسى مەنىڭ جەكە باقىلاۋىمدا"، - دەپ مالىمدەدى تۇركىستان وبلىسى پوليسيا دەپارتامەنتىنىڭ باستىعى مۇرات قابدەنوۆ.
وقيعا كەشە بولدى. جەرگىلىكتى باسىلىمدار مالىمەتىنشە، ايەل قىزىلوردا وبلىسى شيەلى اۋدانىنداعى ا.س.پۋشكين اتىنداعى N46 مەكتەپ-ليسەيىنىڭ مەكتەپكە دەيىنگى مەكەمەسىندە تاربيەشى بولىپ جۇمىس ىستەگەن. مۇنى شيەلى اۋداندىق ءبىلىم ءبولىمى راستاعان.
