Túrkistanda órtke qarsy kúres jumystary kúsheitildi
Onyń sózinshe, aimaq basshysy J.Túimebaevtyń jazǵy órt qaýipti kezeńinde oblys aýmaǵynda órt qaýipsizdigin qamtamasyz etý maqsatynda bergen tapsyrmalary josparǵa sáikes oryndalýda.
– Oblys ákiminiń tapsyrmasyna sáikes Badam orman sharýashylyǵynda tiisti mekemelerdiń qatysýymen sozylmaly tabiǵi órtterdi sóndirý boiynsha órt-taktikalyq oqý-jattyǵý ótkizilip, tabiǵi órtter bolǵan jaǵdaida barlyq kúshter men quraldardyń jumyldyrý tártibi pysyqtaldy. Sondai-aq, oblys aýmaǵyndaǵy orman qory jerlerinde órt qaýipsizdigin qamtamasyz etý maqsatynda orman sharýashylyqtarymen birlesken is-qimyl jospary bekitildi, – dedi Baqytjan Zaparov.
2018 jylǵa oblys aýmaǵynda orman jáne dala órtterin der kezinde anyqtaý maqsatynda ǵarysh monitoringine jalpy 6,5 mln. teńge qarjy qaralyp, tiisti mekememen kelisimshart túzilgen. Sonymen qatar, orman-dala órtterin der kezinde sóndirý maqsatynda qala, aýdan ákimdikteri tiisti aýyl okrýgterinde jalpy 9713 adamnan turatyn 851 erikti órt sóndirý qurylymdaryn qurylǵan.
Odan bólek, shalǵai jatqan eldi mekenderdegi dala órtterin sóndirý úshin barlyq aýdandarda bir soqaly traktormen birge 3 tonna sýy bar tirkemeli bóshkelermen jalpy 23 ýaqytsha baqylaityn órt sóndirý beketteri qurylǵan.
Sonymen qatar, oblys aýmaǵynda orman jáne dala órtterine jol bermeý maqsatynda respýblikalyq mańyzy bar avtomobil joldarynda 802 shaqyrym, oblystyq mańyzy bar avtomobil joldarynda 2804 shaqyrym, aýdandyq mańyzy bar avtomobil joldarynda 2432 shaqyrym, temirjol boilarynda 477 shaqyrym, orman qory jerlerinde 8595 shaqyrym jáne astyq alqaptarynda 6235 shaqyrym órtke qarsy eni 7-12 metrdi quraityn mineraldy jolaq jyrtý jumystary júrgizilgen.
Túrkistan oblysy ákiminiń baspasóz qyzmeti
