Túrkistan oblystyq qoǵamdyq damý basqarmasynyń “Jastar resýrstyq ortalyǵy” KMM-si jáne “Shańyraq” jastar men jas otbasylardy qoldaý ortalyǵy qoǵamdyq birlestiginiń uiymdastyrýymen Túrkistan qalasynda oblystyq «BEST STARTUP» úzdik jobalar baiqaýy ótti, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap
Baiqaýdyń maqsaty – elimizdiń ekonomikasynyń turaqty damýyn qamtamasyz etetin úzdik jobalar men tehnologiialardy anyqtaý jáne ǵylymi-innovatsiialyq qyzmetke qyzyqtyrý arqyly jastardyń shyǵarmashylyq qabiletterin arttyrý, otandyq innovatsiialyq jobalardy iske asyrýǵa kómektesý, olardy ulttyq kásiporyndarda engizýge kómektesý.
Baǵdarlamaǵa qatysý úshin 130 adam ótinim berip, sheshýshi kezeńine 20 joba qabyldandy.
Baiqaýda Túrkistan oblysy qoǵamdyq damý basqarmasynyń otbasy jáne jastar bóliminiń mamany Talǵat Ábilpiia, «Jastar resýrstyq ortalyǵy» KMM-niń basshysy Ernar Bektaev, Túrkistan oblysy «Atameken» UQP bólim basshysy Áziret Talǵatuly tórelik etti.
“Kóp adamdarmen tanysyp, jańa jobalar týraly aqparat aldym. Atalǵan joba aiasynda Saryaǵash aýdanyna da kelip, aqparattandyrý jqmystary júrgizildi. Joba jazýdy úirený barysynda ózimniń oiymdaǵy ideiany jazyp, búgin jeńimpaz atandym. Joba arqyly kásip ashyp, aldaǵy ýaqytta da damytamyn degen senimdemin”, – dedi I oryn iegeri Týraly Temirlan
Baiqaýda myna jastardyń baǵy jandy:
1-oryn: Týraly Temirlan (Tabiǵi qytyrlaqtar óndirý (chipsy) – 500 000 tg
2-oryn: Raiymjan Aqerke (Bilim berý ortalyǵy) – 300 000 tg
3-oryn: Toktan Oidin (Premiým salasyndaǵy qoraptar óndirý) - 100 000 tg
3-oryn: Tilegen Bazarkeldi (Turmystyq himiialyq ónimder óndirý jáne saýda ainalymy) –100 000 tg
Sonymen qatar qatysqan barlyq qatysýshyǵa 70 000 tg kóleminde yntalandyrý syilyqtary men alǵys hattar berildi.
