Kún tártibinde 2 másele qaraldy. Birinshi másele – «Nur Otan» partiiasynyń sailaýaldy baǵdarlamasynyń Jol kartasyndaǵy oryndalmaý qaýpi bar nysandardyń máselesin sheshý jóninde Túrkistan oblysynyń strategiia jáne ekonomikalyq damý basqarmasynyń basshysy Qanat Qaiypbek baiandama jasady. Onyń aitýynsha, Túrkistan oblysy boiynsha «Nur Otan» partiiasynyń «Ózgerister joly: Ár azamatqa laiyqty ómir!» atty sailaýaldy baǵdarlamasyn iske asyrý jónindegi 1956 tarmaqtan turatyn 1 oblystyq, 16 aýdandyq, qalalyq Jol kartalary daiyndalyp, bekitilgen.
Oblystyq Jol kartasynda 2021 jylǵa 7 baǵyt boiynsha 110 is-shara josparlanǵan. Biyl 8 aida 30 is-shara merziminen buryn oryndalsa, 57-si oryndalyp jatyr. Aýdandyq, qalalyq Jol kartalarynda josparlanǵan 1418 indikatordyń 668-i (47%) oryndaldy, 688-i (49%) oryndalý ústinde.
Jol kartasy aiasynda 363,5 myń sharshy metr turǵyn úi berilip, 10541 adam turaqty jumyspen qamtylǵan. Oblysta toqyma buiymdaryn, qurǵaq sút, beton buiymdaryn, kúidirilgen kirpish, mineraldy sý, kúrish jáne et óndiretin 13 kásiporyn ashylyp, onda 1665 adam jumyspen qamtylǵan. Osy jumystardy baiandaǵan Qanat Qaiypbek keibir indikatorlardyń oryndaý barysyndaǵy máseleler men kemshilikterge de toqtaldy. Oblystyń Jol kartasynda birqatar jospardyń oryndalmai qaýpi bar ekeni talqylanyp, fraktsiia músheleri bul máselelerdi sońyna deiin jetkizý kerek degen sheshimge keldi.
– Jumysty kesheýildetip jatqan negizgi sebepter – josparlanǵan jobalarǵa tiisti qarjynyń ýaqytyly nemese múldem bólinbeýi, investorlardyń jobadan bas tartýy nemese qarjyny baiaý quiýy, jobalyq-smetalyq qujattardyń merzimi ótýi, – dedi basqarma basshysy.
Depýtattar árbir indikatordyń oryndalýyn qadaǵalap, jan-jaqty zerdeleýdi jalǵastyrmaq. Sonyń ishinde aýyl sharýashylyǵy, týrizm, turǵyn úi-kommýnaldyq sharýashylyq, bilim, qurylys salalarynda oryndalmaǵan jumystar bar.
Kún tártibindegi ekinshi másele – «Inkliýzivti bilim alýǵa jaǵdai jasaý, muqtaj balalardy qamtý deńgeiin 100%-ǵa jetkizý» máselesi týraly Túrkistan oblysynyń adami áleýmetti damytý basqarmasy basshysynyń orynbasary Ardaq Sadyqovanyń baiandamasy tyńdaldy.
Onyń aitýynsha, sońǵy úsh jyl kóleminde oblysta erekshe bilim berýdi qajet etetin balalardyń arnaiy bilim berý uiymdarynyń jelisi 9-ǵa artqan. Búgingi tańda Túrkistan oblysynda erekshe bilim berýdi qajet etetin balalarǵa 35 arnaiy bilim berý uiymdary qyzmet kórsetip jatyr. Bala sanyna bailanysty aldaǵy ýaqytta 7 psihologiialyq-meditsinalyq-pedagogikalyq keńes berý mekemesin ashý josparda bar.
– Oblysta inkliýzivti bilim berýge jaǵdai jasaǵan mektepterdiń úlesi artýda. Inkliýzivti bilim berýge jaǵdai jasaǵan mektepterdiń úlesi 75,3%-dy (669 mektep) qurap, qamtylǵan balalar sany 5114-ke jetti. Densaýlyǵyna 3201 bala densaýlyǵyna bailanysty úide bilim alyp júr. 2095 pedagog inkliýzivti bilim berý boiynsha biliktiligin arttyrdy, – degen Ardaq Sadyqova inkliýziiany qoldaý kabinetterin jabdyqtaý, sanyn arttyrý, jumysyn jandandyrýǵa qoldaý qajet ekenine de toqtaldy. Depýtattyq fraktsiia bul usynys boiynsha tiisti qoldaý kórsetetinderin jetkizdi.
Fratskiia otyrysy qorytyndysy boiynsha qaýly qabyldandy.
Jiynda túiindegen Beisen Tájibaev:
– Oblystyq strategiia jáne ekonomikalyq damý basqarmasy men aýdandyq, qalalyq ekonomika bólimderi jol kartasy esepterin birlese daiyndaýy tiis. Josparlanǵan is-sharalardyń sapaly ári ýaqtyly júzege asyrylýyn qadaǵalaý úshin jumysshy top qurylady. Fraktsiia quramyndaǵy árbir depýtat Jol kartasyndaǵy jumystardyń qarjylandyrylýyn, júzege asyrylýyn úzdiksiz qadaǵalap, el amanatynyń oryndalýy jolynda jumysty jalǵastyrýy kerek, – dei kele áriptesterge jumysty jaýapkershilikpen atqarýdy tapsyrdy.
