تۇركىستاندا «Nur Otan» فراكسياسى سايلاۋالدى باعدارلاماسىنىڭ ورىندالۋىن تالقىلادى

Dalanews 16 قىر. 2021 03:58 438

«Nur Otan» پارتياسى تۇركىستان وبلىستىق ءماسليحاتىنداعى فراكسياسىنىڭ ءماجىلىسى ءوتتى. جيىنعا «Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى، فراكسيا جەتەكشىسى بەيسەن تاجىبايەۆ ءتوراعالىق ەتىپ، جۇرگىزىپ وتىردى. ماجىلىسكە تۇركىستان وبلىستىق ءماسليحاتىنىڭ حاتشىسى قايرات بالابييەۆ قاتىستى، – دەپ حابارلايدى Dalanews.kz «Nur Otan» پارتياسى تۇركىستان وبلىستىق فيليالىنىڭ باسپا ءسوز سىلتەمە جاساپ.

كۇن تارتىبىندە 2 ماسەلە قارالدى. ءبىرىنشى ماسەلە – «Nur Otan» پارتياسىنىڭ سايلاۋالدى باعدارلاماسىنىڭ جول كارتاسىنداعى ورىندالماۋ ءقاۋپى بار نىسانداردىڭ ماسەلەسىن شەشۋ جونىندە  تۇركىستان وبلىسىنىڭ ستراتەگيا جانە ەكونوميكالىق دامۋ باسقارماسىنىڭ باسشىسى قانات قايىپبەك بايانداما جاسادى. ونىڭ ايتۋىنشا، تۇركىستان وبلىسى بويىنشا «Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسىن ىسكە اسىرۋ جونىندەگى 1956 تارماقتان تۇراتىن 1 وبلىستىق، 16 اۋداندىق، قالالىق جول كارتالارى دايىندالىپ، بەكىتىلگەن.

وبلىستىق جول كارتاسىندا 2021 جىلعا 7 باعىت بويىنشا 110 ءىس-شارا جوسپارلانعان. بيىل 8 ايدا 30 ءىس-شارا مەرزىمىنەن بۇرىن ورىندالسا، 57ء-سى ورىندالىپ جاتىر. اۋداندىق، قالالىق جول كارتالارىندا جوسپارلانعان                                              1418 ينديكاتوردىڭ 668ء-ى (47%) ورىندالدى، 688ء-ى (49%) ورىندالۋ ۇستىندە.

جول كارتاسى اياسىندا 363،5 مىڭ شارشى مەتر تۇرعىن ءۇي بەرىلىپ، 10541 ادام تۇراقتى جۇمىسپەن قامتىلعان. وبلىستا توقىما بۇيىمدارىن، قۇرعاق ءسۇت، بەتون بۇيىمدارىن، كۇيدىرىلگەن كىرپىش، مينەرالدى سۋ، كۇرىش جانە ەت وندىرەتىن 13 كاسىپورىن اشىلىپ، وندا 1665 ادام جۇمىسپەن قامتىلعان. وسى جۇمىستاردى بايانداعان قانات قايىپبەك كەيبىر ينديكاتورلاردىڭ ورىنداۋ بارىسىنداعى ماسەلەلەر مەن كەمشىلىكتەرگە دە توقتالدى. وبلىستىڭ جول كارتاسىندا ءبىرقاتار جوسپاردىڭ ورىندالماي ءقاۋپى بار ەكەنى تالقىلانىپ، فراكسيا مۇشەلەرى بۇل ماسەلەلەردى سوڭىنا دەيىن جەتكىزۋ كەرەك دەگەن شەشىمگە كەلدى.

– جۇمىستى كەشەۋىلدەتىپ جاتقان نەگىزگى سەبەپتەر – جوسپارلانعان جوبالارعا ءتيىستى قارجىنىڭ ۋاقىتىلى نەمەسە مۇلدەم بولىنبەۋى، ينۆەستورلاردىڭ جوبادان باس تارتۋى نەمەسە قارجىنى باياۋ قۇيۋى، جوبالىق-سمەتالىق قۇجاتتاردىڭ مەرزىمى ءوتۋى، – دەدى باسقارما باسشىسى.


دەپۋتاتتار ءاربىر ينديكاتوردىڭ ورىندالۋىن قاداعالاپ، جان-جاقتى زەردەلەۋدى جالعاستىرماق. سونىڭ ىشىندە اۋىل شارۋاشىلىعى، تۋريزم، تۇرعىن ۇي-كوممۋنالدىق شارۋاشىلىق، ءبىلىم، قۇرىلىس سالالارىندا ورىندالماعان جۇمىستار بار.

كۇن تارتىبىندەگى ەكىنشى ماسەلە – «ينكليۋزيۆتى ءبىلىم الۋعا جاعداي جاساۋ، مۇقتاج بالالاردى قامتۋ دەڭگەيىن 100%-عا جەتكىزۋ» ماسەلەسى تۋرالى تۇركىستان وبلىسىنىڭ ادامي الەۋمەتتى دامىتۋ باسقارماسى باسشىسىنىڭ ورىنباسارى ارداق سادىقوۆانىڭ بايانداماسى تىڭدالدى.



ونىڭ ايتۋىنشا، سوڭعى ءۇش جىل كولەمىندە وبلىستا ەرەكشە ءبىلىم بەرۋدى قاجەت ەتەتىن بالالاردىڭ ارنايى ءبىلىم بەرۋ ۇيىمدارىنىڭ جەلىسى 9-عا ارتقان. بۇگىنگى تاڭدا تۇركىستان وبلىسىندا ەرەكشە ءبىلىم بەرۋدى قاجەت ەتەتىن بالالارعا 35 ارنايى ءبىلىم بەرۋ ۇيىمدارى قىزمەت كورسەتىپ جاتىر. بالا سانىنا بايلانىستى الداعى ۋاقىتتا 7 پسيحولوگيالىق-مەديسينالىق-پەداگوگيكالىق كەڭەس بەرۋ مەكەمەسىن اشۋ جوسپاردا بار.

– وبلىستا ينكليۋزيۆتى ءبىلىم بەرۋگە جاعداي جاساعان مەكتەپتەردىڭ ۇلەسى ارتۋدا. ينكليۋزيۆتى ءبىلىم بەرۋگە جاعداي جاساعان مەكتەپتەردىڭ ۇلەسى 75،3%-دى (669 مەكتەپ) قۇراپ، قامتىلعان بالالار سانى 5114-كە جەتتى.   دەنساۋلىعىنا 3201 بالا دەنساۋلىعىنا بايلانىستى ۇيدە ءبىلىم الىپ ءجۇر. 2095 پەداگوگ ينكليۋزيۆتى ءبىلىم بەرۋ بويىنشا بىلىكتىلىگىن ارتتىردى، – دەگەن ارداق سادىقوۆا ينكليۋزيانى قولداۋ كابينەتتەرىن جابدىقتاۋ، سانىن ارتتىرۋ، جۇمىسىن جانداندىرۋعا قولداۋ قاجەت ەكەنىنە دە توقتالدى. دەپۋتاتتىق فراكسيا بۇل ۇسىنىس بويىنشا ءتيىستى قولداۋ كورسەتەتىندەرىن جەتكىزدى.


فراسكيا وتىرىسى قورىتىندىسى بويىنشا قاۋلى قابىلداندى.

جيىندا تۇيىندەگەن بەيسەن تاجىبايەۆ:

– وبلىستىق ستراتەگيا جانە ەكونوميكالىق دامۋ باسقارماسى مەن اۋداندىق، قالالىق ەكونوميكا بولىمدەرى جول كارتاسى ەسەپتەرىن بىرلەسە دايىنداۋى ءتيىس. جوسپارلانعان ءىس-شارالاردىڭ ساپالى ءارى ۋاقتىلى جۇزەگە اسىرىلۋىن قاداعالاۋ ءۇشىن جۇمىسشى توپ قۇرىلادى. فراكسيا قۇرامىنداعى ءاربىر دەپۋتات جول كارتاسىنداعى جۇمىستاردىڭ قارجىلاندىرىلۋىن، جۇزەگە اسىرىلۋىن ۇزدىكسىز قاداعالاپ، ەل اماناتىنىڭ ورىندالۋى جولىندا جۇمىستى جالعاستىرۋى كەرەك، – دەي كەلە ارىپتەستەرگە جۇمىستى جاۋاپكەرشىلىكپەن اتقارۋدى تاپسىردى.

ۇسىنىلعان
سوڭعى جاڭالىقتار