Túrkistanda «Marhabat Baiǵut oqýlary» shyǵarmashylyq baiqaýy qorytyndylandy. Baiqaý jazýshy, jýrnalist, aýdarmashy, Qazaqstannyń eńbek sińirgen qairatkeri, Halyqaralyq «Alash» ádebi jáne «Túrkiálemine qyzmet» syilyqtarynyń iegeri, «Qurmet», «Parasat» jáne «Barys» ordeniniń iegeri, Túrkistan oblysynyń «Qurmetti azamaty» Marhabat Baiǵuttyń týǵanyna 80 jyl tolýyna orai uiymdastyrylyp otyr, dep habarlaidy Dalanews.kz
Baiqaýdyń irikteý kezeńine 17 aýdan jáne Túrkistan oblystyq Y.Altynsarin atyndaǵy balalar kitaphanasynan jalpy sany 720-ǵa jýyq bala qatysyp óz baǵyn synady. Aqtyq márege 4 kezeń boiynsha 144 qatysýshy joldama alǵan. Jarys 4 baǵyt boiynsha ótken.
Jazýshynyń shyǵarmasy boiynsha illiýstratsiialyq sýretter salý baǵytynda I dárejeli diplommen tólebilik Gaýhar Erelhan marapattalsa, Marhabat Baiǵut shyǵarmalarynan mánerlep oqý saiysynda Saýran aýdanynyń qatysýshysy Rýhshona Ǵazizhan jeńip aldy.
Al birtýar tulǵanyń jýrnalistika salasyna qosqan úlesi, jaryq kórgen maqalalary boiynsha zertteý jumystaryn júrgizý boiynsha I dárejeli diplommen Otyrar aýdanynan kelgen Symbat Turdaly marapattaldy.
Marhabat Baiǵut shyǵarmalarynan sahnalyq qoiylym boiynsha Saryaǵash aýdandyq ortalyqtandyrylǵan kitaphanalar júiesi úzdik dep tanyldy.
