Túrkistan oblysynda veterinariia salasyndaǵy zań talaptaryn buzǵan turǵyndar anyqtaldy, dep habarlaidy Dala news.
IIM málimetinshe, zańbuzýshylyqtar «Skotokrad» jedel-profilaktikalyq is-sharasy barysynda tirkelgen. Sairam aýdandyq politsiia basqarmasynyń qyzmetkerleri aýyl sharýashylyǵy janýarlaryn jaiý erejesin buzýdyń 6 deregin anyqtady.
Sonymen qatar 27 turǵyn veterinariia salasyndaǵy zańnamany buzǵany úshin ákimshilik jaýapkershilikke tartyldy.
Reid barysynda tártip saqshylary mal soiý oryndaryn, mal ustaý nysandaryn jáne qaraýsyz júrgen maldardy tekserdi. Sondai-aq janýarlardy zańsyz tasymaldaý faktilerin anyqtaýǵa erekshe nazar aýdaryldy.
Politsiia ókilderiniń aitýynsha, mundai tekserýler mal urlyǵynyń aldyn alý, veterinariialyq talaptardyń saqtalýyn baqylaý jáne halyq arasynda túsindirý jumystaryn júrgizý maqsatynda uiymdastyrylyp jatyr.
Quqyq qorǵaý organdary bul baǵyttaǵy profilaktikalyq sharalar aldaǵy ýaqytta da jalǵasatynyn atap ótti.
