تۇركىستان وبلىسىندا ۆەتەريناريا سالاسىنداعى زاڭ تالاپتارىن بۇزعان تۇرعىندار انىقتالدى، دەپ حابارلايدى Dala news.
ءىىم مالىمەتىنشە، زاڭبۇزۋشىلىقتار «سكوتوكراد» جەدەل-پروفيلاكتيكالىق ءىس-شاراسى بارىسىندا تىركەلگەن. سايرام اۋداندىق پوليسيا باسقارماسىنىڭ قىزمەتكەرلەرى اۋىل شارۋاشىلىعى جانۋارلارىن جايۋ ەرەجەسىن بۇزۋدىڭ 6 دەرەگىن انىقتادى.
سونىمەن قاتار 27 تۇرعىن ۆەتەريناريا سالاسىنداعى زاڭنامانى بۇزعانى ءۇشىن اكىمشىلىك جاۋاپكەرشىلىككە تارتىلدى.
رەيد بارىسىندا ءتارتىپ ساقشىلارى مال سويۋ ورىندارىن، مال ۇستاۋ نىساندارىن جانە قاراۋسىز جۇرگەن مالداردى تەكسەردى. سونداي-اق جانۋارلاردى زاڭسىز تاسىمالداۋ فاكتىلەرىن انىقتاۋعا ەرەكشە نازار اۋدارىلدى.
پوليسيا وكىلدەرىنىڭ ايتۋىنشا، مۇنداي تەكسەرۋلەر مال ۇرلىعىنىڭ الدىن الۋ، ۆەتەريناريالىق تالاپتاردىڭ ساقتالۋىن باقىلاۋ جانە حالىق اراسىندا ءتۇسىندىرۋ جۇمىستارىن جۇرگىزۋ ماقساتىندا ۇيىمداستىرىلىپ جاتىر.
قۇقىق قورعاۋ ورگاندارى بۇل باعىتتاعى پروفيلاكتيكالىق شارالار الداعى ۋاقىتتا دا جالعاساتىنىن اتاپ ءوتتى.
