Memleket basshysy Qasym-Jomart Kemeluly Toqaevtyń «Zań men tártip» qaǵidatyn iske asyrý negizinde Túrkistan oblysy Politsiia departamenti men oblys prokýratýrasynyń bastamasymen «Kiberalaiaqtyq: aldyn alý, qorǵaý, jaýapkershilik» taqyrybynda 1000 adamnyń qatysýymen aýqymdy respýblikalyq forým ótti, dep habarlaidy Dalanews.kz
Alǵash bolyp jinalǵandarǵa sý jańa IT-jabdyqtary men robototehnika quraldarynyń kórmesi usynyldy. Odan ári búgingi tańda kóp kezdesip jatqan alaiaqtarǵa aldanýdyń túrleri kórsetilgen teatrlandyrylǵan qoiylym qoiyldy.
Maqsat-turǵyndarǵa oi salyp, alaiaqtarǵa aldanbaýǵa shaqyrý, qarapaiym qaýipsizdik sharalaryn ustaný.
Is-sharada oblys ákiminiń birinshi orynbasary Zulfuhar Joldasov, Politsiia departamentiniń bastyǵy Murat Qabdenov, oblys prokýrory Murat Tileýberdiev sóz alyp, óńirdegi alaiaqtyq qylmysynyń aldyn alý boiynsha atqarylyp jatqan jumystarǵa keńinen toqtaldy.
Sondai-aq QR IIM-niń Kiberqylmysqa qarsy is-qimyl departamentiniń bastyǵy Jandos Súiinbai, Túrkistan oblysy boiynsha Ekonomikalyq tergep-tekserý departamentiniń bastyǵy Erbolat Balǵabaev, «CYBERLABS» JShS-niń ókili Ádilet Hamzin, «Digital road» IT-indýstriiasynyń kásipkerler assotsiatsiiasynyń ókili Seidýlla Ismailovtar, jinalǵan jurtshylyqqa alaiaqtarǵa aldanbaýdyń ádis-tásilderin kórsetip, buryn sońdy aitylmaǵan maǵlumattarmen bólisti.
Oblys ákimdigi, quqyq qorǵaý organdarynyń birinshi basshylary, ziialy qaýym, bank qyzmetkerleri, kreditorlyq mekemeler men basqa da tulǵalar qatysyp, ashyq pikir almasý oryn aldy.
Statistikaǵa kóz júgirter bolsaq, oblystyq politsiia departamentinde qurylǵan kiberpol basqarmasynyń qyzmetkerlerimen «internet-alaiaqtyq» qylmystarynyń 113 deregi sotqa joldandy. 3 qylmystyq top quryqtalyp, olardyń 38 epizodty qylmystyq isterge qatystylyǵy anyqtaldy. Nátijesinde jábirlenýshilerge 269 mln. teńge qaitaryldy.
Sondai-aq 200-den astam qylmysqa qatystylyǵy bar 13 kúdiktiden turatyn uiymdasqan qylmystyq top quryqtalyp, sotqa deiingi tergeý jalǵasýda.
Qylmyspen kúresýdiń tiimdi tásili-profilaktika desek, Politsiia Departamenti men Halyqaralyq Qazaq-Túrik Ýniversiteti arasynda jasalǵan memorandým aiasynda, politsiia qyzmetkerlerimen stýdentter birlesip, «Kibernadzor» júiesi arqyly 2 myń quqyqqa qaishy kontentti buǵattady.
Bul sharalardyń barlyǵy halyqtyń qarjylyq saýattylyǵyn arttyrý men aldanyp qalýdan saq bolýy maqsatynda jasalýda. Aita ketý kerek bul is-shara oblysqa qarasty 17 aýdanda jalǵasatyn bolady.
Forým sońynda elimizge belgili ánshi Erkin Nurjanov rýhty án shyrqap, jinalǵandarǵa kóńil-kúi syilady.
