Túrkistan qalasynda «Kúltóbe qalashyǵy» ashyq aspan astyndaǵy zamanaýı arheologıalyq parkin qurý jumystary júrip jatyr. Túrkistan oblysynyń ákimi Nuralhan Kósherov qalashyqqa baryp, mamandardyń jobaǵa qatysty usynystary men pikirlerin tyńdady, - dep habarlaıdy Dalanews.kz.
Túrkistan oblysy ákiminiń baspasóz qyzmeti
Túrkistan oblysynyń ákimi Nuralhan Kósherov jobaǵa jaýaptylarǵa sheteldiń osy baǵyttaǵy tájirıbelerin zerdelep, tıimdi tustaryn alýdy, jumysty sapaly atqarýdy tapsyrdy.
Túrkistan oblysy ákiminiń baspasóz qyzmeti
Búginde Kúltóbe qalashyǵynyń metal konstrýksıalary, kúmbez jabyndary ornatylǵan. Jan-jaǵyna ınfraqurylym tartylǵan. Atalǵan jumystar IýNESKO talaptaryn qatań saqtaı otyryp júzege asyrylyp jatyr.
Aldaǵy ýaqytta Kúltóbe qalashyǵynda qabyldaý ortalyǵy, mýzeıi bar ǵımarattar salý usynysy engizilgen. Ol ǵımarattarda Qańly dáýiri, Orta ǵasyrlar, Qazaq handyǵy dáýiriniń arheologıalyq eskertkishterimen qatar sol kezeń týraly málimetter jurtshylyqqa usynylmaq. Sonymen birge ınteraktıvti qabyrǵalar ornatylyp, tehnologıanyń sońǵy úlgileri qoldanysqa engizilýi múmkin.
Jalpy bul jobanyń tujyrymdamasy áli de talqylanyp, tıisti sheshim qabyldanady. Bolashaqta Túrkistan qalasy taǵy bir tarıhı jáne týrısik ortalyqpen tolyǵady dep kútilip otyr. Tarıhy tereńde jatqan qalashyq kópshilikke dáriptelip, osynda tabylǵan ejelgi turaqtar, jádigerler týrıser nazaryna usynylady.
