Túrkistan qalasyndaǵy «Farab» ámbebap-ǵylymi kitaphanasynda «Kásiporyn men kolledj – sapaly maman kepili» atty is-shara ótti. Mańyzdy jiynǵa Túrkistan oblysynyń ákimi Nuralhan Kósherov, «Samuryq-Qazyna» AQ-nyń Korporativtik basqarý, áleýmettik-eńbek qatynastary jáne eńbekti qorǵaý jónindegi basqarýshy direktory Ǵibrat Aýǵanov, depýtattar, jaýapty sala basshylary, tehnikalyq jáne kásiptik bilim berý uiymdarynyń basshylary men stýdentteri qatysty. Basqosýda stýdentterdi óndiristik tájiribeden ótkizý jáne ári qarai jumysqa ornalastyrý baǵytynda naqty qadamdar jasaldy,- dep habarlaidy Dalanews.kz
Túrkistan oblysynyń ákimi Nuralhan Kósherov bul yntymaqtastyq kásibi kadr daiarlaý isin jańa deńgeige kóteretinine senim bildirdi.
– Bul kezdesý – óńirimizdegi kásibi bilim berý júiesin jańa sapaǵa baǵyttaityn mańyzdy qadam. Prezidentimizdiń 2025 jyldy «Jumysshy mamandyqtar jyly» dep jariialanýyna bailanysty oblysta júieli sharalar atqarylýda. Kolledjder men óndiris oryndarynyń arasyndaǵy tikelei bailanys ornatylyp, óńir bilikti jumysshy kúshine, al kásiporyn qajetti kadrǵa qol jetkizýde. Memleket basshysy Qasym-Jomart Kemeluly Toqaev óziniń Joldaýynda «Eńbek adamy – elimizdiń tiregi. Bizge naqty kásibi maman qajet. Jastar bir mamandyqtyń qyr-syryn tereń meńgerýge umtylýy tiis» dep atap ótti. Osy maqsatta biyl oblystaǵy tehnikalyq jáne kásiptik bilim berý uiymdaryna 15 500 memlekettik tapsyrys bólindi. Onyń 9 500-i jumysshy mamandyqtarǵa baǵyttalyp otyr. Sol sebepti, óńirimizdiń 50 kolledjdi zamanaýi óndiris talaptaryna beiimdei otyryp, dýaldy oqytý júiesin keń kólemde engizip jatyrmyz. Sonyń jarqyn mysaly retinde Túrkistan indýstriialyq aimaǵynda ornalasqan «BNK group» jáne «Jasyl-Sýyq» kompaniialaryn atap ótkim keledi. Bul kásiporyndar kolledjdermen tyǵyz seriktestik ornatyp, elektrmonter, dánekerleýshi, elektrik, tehnik-operator siiaqty suranysqa ie mamandyqtar boiynsha stýdentterdi jumysqa qabyldaýda. Osy oraida, «Samuryq-Qazyna» qorynyń quramdas kompaniialary tarapynan stýdentterdi óndiristik tájiribeden ótkizýge jáne ári qarai jumysqa ornalastyrýǵa baǵyttalǵan qadamdaryn joǵary baǵalaimyz. Sizdermen birlesken jumystyń nátijesinde oblys aimaǵynda kásibi kadr daiarlaý isin jańa deńgeige kóteremiz dep senemin. Bul – jastardyń básekege qabiletti bolýyna jáne olardyń turaqty jumyspen qamtylýyna baǵyttalǵan qadam, – degen Nuralhan Oralbaiuly kolledjder men kásiporyndar arasyndaǵy bailanysty odan ári kúsheitýge ákimdik tarapynan tolyq qoldaý bolatynyn aitty.
Túrkistan oblysynda «Jumysshy mamandyqtar jyly» aiasynda jańa 6 mamandyq ashyldy. Bul – óndiristik sektordyń, jumys berýshilerdiń naqty suranysynan týyndaǵan sheshim.
Saltanatty sharada Túrkistan oblysy ákimdigi men «Samuryq-Qazyna» AQ yntymaqtastyq týraly memorandýmǵa qol qoidy. Memorandým aiasynda stýdentterdi óndiristik tájiribeden ótkizý jáne jumysqa ornalastyrý kózdelgen.
Odan bólek, jiyn barysynda dýaldy oqytý boiynsha «SP Býdenovskoe» kásiporyny, Kentaý kópsalaly kolledji jáne stýdent arasynda úshjaqty kelisimshartqa qol qoiyldy. Sonymen qatar «Qazaqtelekom» AQ men «Woosong» IT ýniversiteti kelisimshartqa otyrdy.
Is-shara sońynda «Samuryq-Qazyna» AQ «Tálimger» jobasy aiasynda 2 bitirýshi túlektiń iri kásiporyndarda jumysqa ornalasýyna qoldaý kórsetip, eńbek kitapshasyn tapsyrdy.
Osy kúni is-sharaǵa qatysýshylarǵa tehnikalyq jáne kásiptik bilim berý uiymdaryna ekskýrsiia uiymdastyrylyp, Túrkistan qalasyndaǵy «Kópsalaly indýstrialdy-tehnikalyq» kolledji men «Túrkistan joǵary Bolashaq» kolledjiniń bazasy tanystyryldy.
