Túrkistan qalalyq Mansap ortalyǵynyń uıymdastyrýymen erekshe qajettiligi bar jandar úshin kezekti bos jumys oryndary jármeńkesi ótti, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Onda 11 jumys berýshi mekeme 38 bos jumys ornyn usyndy.

Ortalyq dırektory Raıhan Nurıdınqyzynyń málimdeýinshe, sharaǵa 30-dan asa jumys izdeýshi kelgen. Olarǵa memlekettik jumyspen qamtý baǵdarlamalary túsindirilip, turaqty jumystarǵa joldamalar berildi. Jármeńke qorytyndysymen bir turǵyn «CAPABLE GROUP» mekemesine, taǵy biri Nekrasov atyndaǵy №9mektepke jumysqa ornalasty.

Jalpy, jyl basynan beri ortalyqta 8 bos jumys oryndary jármeńkesi uıymdastyrylǵan. Onda 2958 azamat turaqty jumysqa joldama alǵan. Erekshe qajettiligi bar azamattar úshin jumyspen qamtý baǵdarlamalary júrgizilip, nátıjesinde jyl bastalǵaly 20 turǵyn turaqty jumyspen qamtylǵan.