تۇركىستان قالالىق مانساپ ورتالىعىنىڭ ۇيىمداستىرۋىمەن ەرەكشە قاجەتتىلىگى بار جاندار ءۇشىن كەزەكتى بوس جۇمىس ورىندارى جارمەڭكەسى ءوتتى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
وندا 11 جۇمىس بەرۋشى مەكەمە 38 بوس جۇمىس ورنىن ۇسىندى.
ورتالىق ديرەكتورى رايحان نۇريدين قىزىنىڭ مالىمدەۋىنشە، شاراعا 30-دان اسا جۇمىس ىزدەۋشى كەلگەن. ولارعا مەملەكەتتىك جۇمىسپەن قامتۋ باعدارلامالارى ءتۇسىندىرىلىپ، تۇراقتى جۇمىستارعا جولدامالار بەرىلدى. جارمەڭكە قورىتىندىسىمەن ءبىر تۇرعىن «CAPABLE GROUP» مەكەمەسىنە، تاعى ءبىرى نەكراسوۆ اتىنداعى №9مەكتەپكە جۇمىسقا ورنالاستى.
جالپى، جىل باسىنان بەرى ورتالىقتا 8 بوس جۇمىس ورىندارى جارمەڭكەسى ۇيىمداستىرىلعان. وندا 2958 ازامات تۇراقتى جۇمىسقا جولداما العان. ەرەكشە قاجەتتىلىگى بار ازاماتتار ءۇشىن جۇمىسپەن قامتۋ باعدارلامالارى جۇرگىزىلىپ، ناتيجەسىندە جىل باستالعالى 20 تۇرعىن تۇراقتى جۇمىسپەن قامتىلعان.
