Osynaý memlekettik baǵdarlama aiasynda áý basta jumyspen qamtý ortalyǵyna eki qolǵa bir kúrek izdep kelgen azamattardyń deni búginde jeke kásibin ashqan.
Jergilikti turǵyndardy eńbekpen qamtýda osynaý «Nátijeli jumyspen qamtýdy jáne jappai kásipkerlikti damytý» baǵdarlamasyna qatysqan turǵyndar da shaǵyn nesie alyp, kásipterin dóńgeletip otyr.
Atap aitsaq, Saryaǵash aýdany jumyspen qamtý ortalyǵynyń mamandary jappai kásipkerlikti damytý boiynsha 350 adamdy biznes bastamalaryn oqýǵa tartyp, onyń ishinde 9 azamattyń shaǵyn nesie alyp, kásibin dóńgeletýine yqpal etipti.
Qysqa merzimdi kásiptik oqý kýrsyna qatysqan Uljan Álieva qazir shashtaraz mamandyǵyna mashyqtanyp alǵan. Búginde turaqty klientteri sheberdi salonǵa arnaiy izdep keledi. Bastaýysh synyp muǵalimi óz mamandyǵy boiynsha jumys tappai, birneshe jyl bos júrgenin aitady. Qazir ol súiikti isinen nápaqa taýyp otyr.
Biyl oblysta 4800 adam kásiptik bilim alýǵa, qysqa merzimdi kásiptik oqytýǵa 7200 azamat tartylǵan. Kásiptik bilim alýǵa joldanǵandar tehnikalyq kolledjder bazasynda 2, 2 jarym jyl oqidy. Al qysqa merzimdi kásiptik oqytý kýrstary 3 -6 ai merzimge uiymdastyrylǵan.
Baǵdarlamada qolóner sheberlerin qoldaýǵa da asa mán berilgen. Ulttyq naqyshtaǵy kiim-keshek, turmysqa qajetti buiymdar tigýmen ainalysatyn ismerlermen qosa ulttyq taǵamdar ázirleitin sheberler qazir 6 baǵyt boiynsha bilim alýda. Kásip ashýǵa múmkindik beretin jeńildetilgen shaǵyn nesieniń kólemi de biyl ulǵaitylyp otyr.
