Óńirde sondaı-aq, jer asty sý qoryn anyqtaý jumystary júrgizilip jatyr. Jalpy óńirde sý qoryn anyqtaýdy qajet etetin 383 eldi meken bolsa, búgingi tańǵa sonyń 244-inde izdeý-barlaý jumystary aıaqtalǵan. 2017 jyly 34 eldi mekende, al 2019 jylǵa deıin qalǵan 105-inde tıisti jumystar atqarylady dep kútilýde. Bul baǵytqa 1,6 mlrd. teńge baǵyttalǵan.
Qazyǵurt jáne halqynyń sany boıynsha keıbir oblystarǵa jetqabyl Saryaǵash pen Maqtaaral aýdandaryndaǵy 700 myńǵa tarta halyqty sapaly aýyz sýmen qamtamasyz etý máselesi aldaǵy 5 jylda tolyq sheshimin tabady. Bul uzaq jyldar boıy sheshimin tappaı kele jatqan másele edi. Jergilikti bılik atalǵan máseleni Ógem ózenin aýyz sý retinde paıdalaný arqyly túpkilikti sheshýge bel býyp otyr.
Byltyrǵy jyly Túrkistan óńirinde 10 eldi meken ortalyqtandyrylǵan aýyz sýmen qamtylǵan eken. Nátıjesinde ortalyqtandyrylǵan aýyz sýmen qamtylǵan eldi mekenderdiń sany 628-ge jetken. Bul óńirdegi turǵyndardy aýyz sýmen qamtý deńgeıiniń 74,4 paıyzy.
