Endi Túrkistanda turatyn iri biznes ókilderine, jeke kásipkerler men jeke tulǵalarǵa Shymkentke barýdyń qajeti joq – olar bankke qatysty barlyq qyzmetti Túrkistannyń ortalyǵynda ornalasqan zamanaýi keń keńseden ala alady.
Túrkistan oblysy qurylyp, onyń ákimshilik ortalyǵy Túrkistanǵa aýystyryla salysymen «Halyk Bank» 2019 jyldyń mamyr aiynda alǵashqylardyń biri bolyp aimaqtaǵy oblystyq filialyn ashty. Búgingi kúni Túrkistan oblysy turǵyndar sany boiynsha respýblikada ekinshi orynda tur. Óńirde 2 millionnan astam adam turady. Oblystyń ákimshilik-aýmaqtyq qurylymyna 14 aýdan jáne oblystyq baǵynystaǵy 3 qala kiredi. 2021 jylǵy 1 sáýirdegi jaǵdai boiynsha jumys istep turǵan shaǵyn jáne orta kásipkerlik sýbektileriniń sany shamamen 140 myńdy qurady, al 2021 jylǵy 1 qańtardaǵy jaǵdai boiynsha ShOB sektorynda jumyspen qamtylǵandar sany 217 myńnan asqan.
– «Halyk Bank» Túrkistan oblysyn ekonomikalyq qýatty, qolaily jáne zamanaýi óńirlik ortalyqqa ainaldyrý jónindegi memlekettik bastamalardy qoldaidy. Oblystyq filialdyń jańa ǵimaratyn ashý arqyly biz ózimizdiń onlain-servisterimiz ben qyzmet kórsetý salasyn investitsiialai otyryp, qyzmetkerlerimiz ben klientterimiz úshin eń jaqsy jaǵdaidy jasaýǵa daiyn ekenimizdi kórsetemiz, – dep atap ótti «Halyk Bank» basqarma tóraiymy Úmit Shaiahmetova.
Sondai-aq «Halyk Bank» jetekshisi Túrkistan filialynyń 2,5 jyldyq jumysynyń qorytyndylary týraly aityp, osy kezeńde barlyq negizgi kórsetkishter boiynsha ósim baiqalǵanyn atap ótti. 2021 jyldyń qortyndysy boiynsha oblystaǵy bankomattar sany 254-ke jetti, al kartalardy belsendi ustaýshylar sany Túrkistan oblysy boiynsha barlyq qoldanystaǵy kartalardyń jalpy sanynyń 53%-yn quraidy. Jeke tulǵalarǵa nesie berý boiynsha filial qorjyny 132 mlrd. teńgeni nemese oblystyń barlyq kredittik qorjynynyń 65%-dan astamyn qurady. Depozittik portfel 43 mlrd. teńgege jetti. Bul – óńirdiń depozittik portfeliniń jartysyna jýyǵy. Túrkistan oblysy boiynsha «Halyk Homebank» mobildi qosymshasyn belsendi qoldanýshylar sany 2020 jyldyń 1 qańtary men 2021 jyldyń 1 jeltoqsany aralyǵynda 17,5 esege artty.
Shaǵyn jáne orta biznesti qoldaý aiasynda Banktiń Túrkistan oblystyq filialy biyl «Biznestiń jol kartasy-2025» memlekettik baǵdarlamasy boiynsha 9,075 mlrd. teńge somasyna 435 sýbsidiialanǵan qaryz berdi. «Qarapaiym zattar ekonomikasy» baǵdarlamasy boiynsha biyl oblys boiynsha 6,1 mlrd. teńge somasyna 6 joba qarjylandyrylsa, tsifrlyq nesieleý baǵdarlamasy boiynsha jalpy 1,6 mlrd. teńge somasynda 430-dan astam nesie berildi. 2021 jyly ShOB boiynsha filialdyń nesie qorjynynyń jalpy ósimi 68% - dy quraǵan.
Banktiń Túrkistan oblystyq filialy birqatar kórsetkishter boiynsha kóshbasshy bola otyryp, shaǵyn jáne orta kásipkerlik sýbektileri úshin de, halyq úshin de bank qyzmetteriniń barlyq túrin kórsetedi. Bank aimaq turǵyndarymen ózara tiimdi iskerlik yntymaqtastyq qurýdy ǵana kózdemeidi. «Halyk Bank» múmkindiginshe Túrkistan oblysynyń ótkir máselelerin sheshýge atsalysyp júr. 2019 jyldyń jazynda bank «Halyk» Qaiyrymdylyq qory» JQ-men birlesip, jarylystan zardap shekken Arys qalasynyń áleýmettik nysandaryn qalpyna keltirýge úles qosty. Qaiyrymdylyq is-sharasyn uiymdastyryp, klienttermen, qyzmetkerlermen jáne biznes-seriktestermen birge jinalǵan 1,1 mlrd. teńgeni Arysqa aýdardy. Sondai-aq bank óz tutynýshylaryn qoldaý maqsatynda Arys bólimshesinde berilgen qaryzdar boiynsha 1 mlrd. teńgeden astam somaǵa syiaqy esepteýdi toqtatty. Sonymen birge nesie alǵan turǵyndar úshin qaryzdar boiynsha negizgi boryshty óteý merzimin jarty jylǵa keiinge qaldyrdy.
«Halyk Bank» – bólshek saýda, ShOB jáne korporativtik bank qyzmetterin qosa alǵanda, túrli segmentterde jumys isteitin Qazaqstannyń jetekshi qarjy institýty. Banktiń Qazaqstan qor birjasynda 1998 jyldan bastap, London qor birjasynda 2006 jyldan bastap jáne «Astana International Exchange» halyqaralyq birjasynda 2019 jylǵy qazannan bastap baǵaly qaǵazdary bar. 2021 jylǵy 30 qyrkúiektegi jaǵdai boiynsha banktiń aktivteri 11,284,5 mlrd. teńgege jetken. Banktiń aýqymdy klientter bazasy jáne filialdar jelisi bar. Respýblika boiynsha 591 filial men bólimshesi tirkelgen. Bank Grýziia, Qyrǵyz Respýblikasy, Resei jáne Ózbekstanda da jumys isteidi.
