Túrkistanda ǵalamtor sapasyn jaqsartyp, IT salasyn damytý joldary qaraldy
Túrkistan oblysy ákiminiń aptalyq májilisinde óńirdi sapaly ǵalamtormen qamtý máselesi talqylandy. Oblys ákimi Darhan Satybaldy jaýapty basshylarǵa IT salasyn damytý, joldardyń boiynsha internet bailanysyn kúsheitý, aýyldarda bailanys sapasyn jaqsartý jumystaryn kúsheitýdi tapsyrdy, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Bailanys operatorlarynyń jaýapkershiligin kóterý, solarmen birlese jumys isteý, investitsiia tartý máseleleri de sóz boldy.
– Tsifrlandyrý – zamanaýi ári jastardy qyzyqtyratyn sala. Jańa ideialar oilańyzdar. Túrkistandy IT salasy damyǵan ortalyqqa ainaldyrýymyz kerek. Jýyrda Tatarstanǵa baryp, sol jaqtaǵy IT salasyndaǵy jumystarmen tanystym. Onda arnaiy mektepter ashylyp, jumys istep jatyr. Túlekteriniń 100 paiyzy jumyspen qamtylyp jatyr eken. Osy baǵytta kelissóz júrgizip, halyq tyǵyz ornalasqan aýdandarda IT mamandaryn daiarlaityn ortalyqtar, mektepter ashýymyz kerek. Jumysty jandandyryńyzdar, – dedi Darhan Satybaldy.
Túrkistan oblysynyń tsifrlandyrý, memlekettik qyzmetter kórsetý jáne arhivter basqarmasynyń basshysy Marat Ainabekovtyń aitýynsha, Túrkistan oblysy aýmaǵynda jalpy 2 053 379 turǵyny bar eldi mekenderdiń 386-sy 3G jáne 304 aýyl 4G mobildi internet jelisimen qamtylǵan. Túrkistan oblysynyń mobildik internet jelisimen qamtylý deńgeii halyq sanyna shaqqanda 92,2% quraidy jáne aýyldyq eldi meken sanymen eseptegende 83% quraidy. 139 AEM-niń 100-i 2G mobildi bailanys jelisimen qamtylǵan. Jol kartasy aiasynda halyq sany 250-den joǵary 81 eldi mekenniń 50-in 2024-2025 jyldary internet jelisimen qamtý josparlanýda.
«Qoljetimdi internet» ulttyq jobasy aiasynda Túrkistan oblysynyń bekitilgen aýyldyq eldi mekenderin mobildi internet jelisimen qamtý jol kartasy negizinde biyl bailanys operatorlary (Ksell, Bilain) óz qarajaty esebinen 106 bazalyq stantsiia ornatýdy josparlap, qazirgi tańda jer telimderin rásimdeý jumystary júrgizilip jatyr.
