Túrkistanda Alǵys aıtý kúni qurmetine «Qoǵamdyq kelisim» mekemesiniń úılestirýimen merekelik is-sharalar uıymdastyryldy,- dep habarlaıdy Dalanews.kz
Oǵan Túrkistan oblysynyń ákimi Nuralhan Kósherov, zıaly qaýym ókilderi, etnomádenı birlestik músheleri qatysty.
Merekede etnomádenı birlestikterdiń kórmesi uıymdastyryldy. Kórmege oblys sýretshileri men qolóner sheberleriniń týyndylary qoıylyp, jurtshylyq nazaryna usynyldy.
Túrkistan oblysynyń slaván mádenı ortalyǵynyń ókilderi Maslenısa merekesin atap ótti. Túrli baıqaýlar men saıystar uıymdastyryldy.
Arqan tartys, jerge sýret salý, qýyrshaqtar baıqaýy ótip, ánder shyrqalyp, bı bılendi. Úzdik dep tanylǵan belsendi qatysýshylar marapattaldy.
