Túrkistanda erekshe jandarǵa qoldaý kórsetilip jatyr. Qalalyq jumyspen qamtý jáne áleýmettik baǵdarlamalar bóliminiń basshysy Elmira Beisenova statistika usyndy, dep habarlaidy Dalanews.kz
Spikerdiń aitýynsha, jyl basynan beri erekshe qajettiligi bar azamattardyń 45,5%-y ońaltýdyń jeke baǵdarlamasymen qamtylǵan.
Túrkistanda 11 802 múmkindigi shekteýli jan tirkelse, olardyń ishinde:
- 1637-si – 18 jasqa deiingi balalar;
- 989-y – I toptaǵy jandar;
- 5101-i – II toptaǵy azamattar;
- 4075-i – III toptaǵy jandar.
Elmira Beisenova jyl basynan beri 4616 ótinish qabyldanyp, onyń 2096-sy oryndalǵanyn aitty.
2025 jyldyń alǵashqy eki aiynda:
- 174 azamat protez-ortopediialyq kómekke ie boldy;
- 28 jan sýrdotehnikalyq quraldarmen qamtyldy;
- 74 adam tiflotehnikalyq jabdyqtarǵa qol jetkizdi;
- 130 azamatqa arnaiy júrip-turý quraldary berildi;
- 200 jan sanatorlyq-kýrorttyq emge joldama aldy;
- 257 turǵynǵa jeke kómekshi qyzmeti kórsetildi;
- 137 azamatqa ymdaý tili mamanynyń kómegi usynyldy;
- 1096 adam gigienalyq quraldarmen qamtamasyz etildi.
Arnaýly áleýmettik qyzmetter aiasynda 211 muqtaj azamatqa kómek kórsetildi, onyń ishinde:
- 37 – jalǵyzbasty qarttar men múmkindigi shekteýli jandar;
- 124 – psihonevrologiialyq aýrýlary bar balalar;
- 50 – tirek-qimyl apparaty buzylǵan bala áleýmettik qoldaý aldy.
