17 elden kelgen qonaqtardyń qatarynda Vengrıa, Nıderlandy Koróldigi, Fransıa, AQSH, Koreıa, Avstrıa, Tájikstan, Portýgalıa, Serbıa, Taıland, Horvatıa, Estonıa, Lıtva, Brazılıa, Soltústik Makedonıa Respýblıkasy, Aýǵanstan jáne Ózbekstan delegasıa bar. Olar «Great Silk Road – Great Heritage» týrısik forýmyna baryp, aımaqtyń týrısik jáne ınvestısıalyq múmkindikterimen tanysty. Sondaı-aq, qonaqtar Visit Center Turkistan, Qoja Ahmet Iassaýı kesenesi, «Uly Dala Eli» ortalyǵy, «Altyn Samuryq» teatry, «Karavan Saray» mýltıfýnksıonaldy keshenin jáne t.b. aralady.
Sondaı-aq, dıplomatıalyq korpýs ókilderi men Túrkistan oblysynyń kásipkerleri Túrkistan oblysynyń sýretshileri men qolónershileriniń úzdik týyndylarynyń kórmesin jáne áıgili pıanıs Alessandro Martıreniń, «Newspaper Birds Dande Theatre» qazirgi zamanǵy balet teatrynyń perfomansy men Shámshi Qaldaıaqov atyndaǵy oblystyq fılarmonıanyń «Tumar» fólklorlyq ansambliniń ónerlerin tamashalady.
İs-sharany ótkizýdiń maqsaty – Túrkistanda Túrki áleminiń jáne tutastaı alǵanda jahandyq álemniń barlyq «kreatıvteri» úshin biryńǵaı alańǵa aınalatyn kreatıvti klaster qurý. Onda adamdar tájirıbe almasyp, birlesken bıznes quryp, ıdeıalardy damytyp, ózara árekettese alady. Bizdiń taǵy bir maqsatymyz – Túrkistan oblysy joǵaryda atalǵan elderdiń bıznes kapıtandarymen birlesken ınvestısıalyq jobalardy oblys aýmaǵynda iske asyrý.
Bul óz kezeginde, oblystyń eksportyn ilgeriletýge jáne ınvestısıa kóleminiń artýyna septigin tıgizetin bolady.
