17 ەلدەن كەلگەن قوناقتاردىڭ قاتارىندا ۆەنگريا، نيدەرلاندى كورولدىگى، فرانسيا، اقش، كورەيا، اۆستريا، تاجىكستان، پورتۋگاليا، سەربيا، تايلاند، حورۆاتيا، ەستونيا، ليتۆا، برازيليا، سولتۇستىك ماكەدونيا رەسپۋبليكاسى، اۋعانستان جانە وزبەكستان دەلەگاسيا بار. ولار «Great Silk Road – Great Heritage» تۋريستىك فورۋمىنا بارىپ، ايماقتىڭ تۋريستىك جانە ينۆەستيسيالىق مۇمكىندىكتەرىمەن تانىستى. سونداي-اق، قوناقتار Visit Center Turkistan، قوجا احمەت ياسساۋي كەسەنەسى، «ۇلى دالا ەلى» ورتالىعى، «التىن سامۇرىق» تەاترى، «Karavan Saray» مۋلتيفۋنكسيونالدى كەشەنىن جانە ت.ب. ارالادى.
سونداي-اق، ديپلوماتيالىق كورپۋس وكىلدەرى مەن تۇركىستان وبلىسىنىڭ كاسىپكەرلەرى تۇركىستان وبلىسىنىڭ سۋرەتشىلەرى مەن قولونەرشىلەرىنىڭ ۇزدىك تۋىندىلارىنىڭ كورمەسىن جانە ايگىلى پيانيست الەسساندرو مارتيرەنىڭ، «Newspaper Birds Dande Theatre» قازىرگى زامانعى بالەت تەاترىنىڭ پەرفومانسى مەن ءشامشى قالداياقوۆ اتىنداعى وبلىستىق فيلارمونيانىڭ «تۇمار» فولكلورلىق ءانسامبلىنىڭ ونەرلەرىن تاماشالادى.
ءىس-شارانى وتكىزۋدىڭ ماقساتى – تۇركىستاندا تۇركى الەمىنىڭ جانە تۇتاستاي العاندا جاھاندىق الەمنىڭ بارلىق «كرەاتيۆتەرى» ءۇشىن ءبىرىڭعاي الاڭعا اينالاتىن كرەاتيۆتى كلاستەر قۇرۋ. وندا ادامدار تاجىريبە الماسىپ، بىرلەسكەن بيزنەس قۇرىپ، يدەيالاردى دامىتىپ، ءوزارا ارەكەتتەسە الادى. ءبىزدىڭ تاعى ءبىر ماقساتىمىز – تۇركىستان وبلىسى جوعارىدا اتالعان ەلدەردىڭ بيزنەس كاپيتاندارىمەن بىرلەسكەن ينۆەستيسيالىق جوبالاردى وبلىس اۋماعىندا ىسكە اسىرۋ.
بۇل ءوز كەزەگىندە، وبلىستىڭ ەكسپورتىن ىلگەرىلەتۋگە جانە ينۆەستيسيا كولەمىنىڭ ارتۋىنا سەپتىگىن تيگىزەتىن بولادى.
