Túrkistan oblystyq qoǵamdyq damý basqarmasy «Qoǵamdyq kelisim» KMM-niń uiymdastyrýymen Qazaqstan halqy Assambleiasynyń «Dostyq kerýeni» jobasyn iske asyrý aiasynda Túrkistan qalasynda aqparattyq-nasihattyq kezdesý ótti,- dep habarlaidy Dalanews.kz
«Dostyq kerýeni» jobasynyń maqsaty – óńirlik Qazaqstan halqy Assambleiasynyń etnomádeni birlestik músheleriniń halyqpen kezdesýler ótkizýi, etnosaralyq saladaǵy táýekelderdiń aldyn alý úshin jastar, mádeni jáne basqa da qurylymdar nysanyndaǵy dialog alańdarynyń jumysyna qatysý.
Jiynǵa qalalyq ishki saiasat bólimi, Assambleia jastary, Jastar resýrstyq ortalyǵynyń ókilderi, etnos jastary qatysty.
«Dostyq kerýeniniń» spikeri Túrkistan oblysy qoǵamdyq damý basqarmasy« Qoǵamdyq kelisim» KMM-niń basshy orynbasary Ernazar Baetov qatysýshylarǵa eldiń birligi men tatýlyǵy, etnosaralyq tatýlyqty saqtaý baǵytynda sóz sóilep, dostyq negizderin nasihattady. Kezdesý barysynda «Taza Qazaqstan» ekologiialyq aktsiiasy, zań men tártip, jumysshy mamandyqtar jyly taqyryptary da keńinen sóz boldy.
Qatysýshylar da óz oilaryn, usynys pikirlerin ortaǵa saldy. Jiyn barysynda etnosaralyq qatynastardy odan ári nyǵaitý, etnosaralyq kelisim, jastar tárbiesi, jat aǵymdardan aýlaq bolý, keńes jumysyn jandandyrý týraly aitylyp, qatysýshylar tarapynan qoiylǵan suraqtarǵa jaýaptar berildi.
