Túrkistan oblysy boiynsha ishki memlekettik aýdit departamentiniń ǵimaratynda «Onlain biýdjettik monitoring júiesiniń tiimdiligin arttyrý» taqyrybynda dóńgelek ústel ótti.
Is-sharaǵa Departament basshysy, basshynyń orynbasary, qurylymdyq bólim basshylary, sonymen qatar, oblystyq deńgeidegi memlekettik organdar – bilim basqarmasynyń basshysy, dene shynyqtyrý jáne sport basqarmasy basshysynyń orynbasary, densaýlyq saqtaý basqarmasynyń bólim basshysy, mádeniet basqarmasynyń bas mamany jáne ózge de jaýapty mamandar arnaiy kelip qatysty.
Jiynda Qazaqstan Respýblikasy Qarjy ministrligi ázirlegen «Onlain biýdjettik monitoring» (OBM) júiesiniń tiimdiligi, aǵymdaǵy jaǵdaiy jáne óńirdegi iske asyrylýy jan-jaqty talqylandy. Bul júie – quqyq qorǵaý organdarymen ózara is – qimyl sheńberinde biýdjet qarajatyn ysyrap etýdiń aldyn alý quraly retinde qoldanylyp otyr, iaǵni biýdjettik tártipti nyǵaitýdyń, shyǵystardyń ashyqtyǵyn qamtamasyz etýdiń jáne azamattyq baqylaýdy damytýdyń tiimdi tetigi retinde qarastyrylýda.
Sonymen qatar ózara is-qimyl sheńberinde OBM júiesi sybailas jemqorlyq táýekelderin erte anyqtaý quraly retinde qoldanylyp otyr
Atalǵan dóńgelek ústelde OBM júiesi arqyly Túrkistan oblysynda 2024 jylǵy qarasha men 2025 jylǵy maýsym aralyǵynda kúmándi tólemder boiynsha táýekelder anyqtalǵany baiandaldy. Onyń basym bóligi bilim berý salasyna tiesili.
Departament tarapynan atalǵan táýekelderge bailanysty resmi joldanǵan habarlamalar, olardyń oryndalýy jáne birneshe habarlamanyń tiisinshe oryndalmaǵany atap ótildi. Bul – qarjylyq tártip pen baqylaý mádenietinde júieli kemshilikter bar ekenin kórsetedi.
Jiyn barysynda sóz sóilegen Departament mamandary OBM júiesiniń naqty artyqshylyqtaryn atap ótip, memlekettik organdardyń keri bailanysynyń álsizdigine alańdaýshylyq bildirdi. Qarjynyń negizsiz jumsalý táýekelderin boldyrmaý, dáleldemelik bazany sapaly qalyptastyrý, ýaqytyly jaýap berý syndy máseleler jiynnyń negizgi kún tártibinde boldy.
Taldaý nátijesinde 63,5 mln teńgeden astam somaǵa 325 tólem boiynsha buzýshylyqtar rastalyp, onyń 12 mln teńgeden astamy biýdjetke óndirilgeni, al 6,7 mln teńgeniń isi quqyq qorǵaý organdaryna joldanyp, sot protsesi júrip jatqany aityldy.
Jiyn qorytyndysy boiynsha qatysýshylar OBM júiesin jetildirý, kúmándi tólemderdiń aldyn alý, jaýapty laýazymdy tulǵalardyń jaýapkershiligin arttyrý qajettigin atap ótti. Sonymen qatar, ár basqarmaǵa naqty usynystar men tapsyrmalar berildi.
Atalǵan dóńgelek ústel memlekettik qarjyny basqarýdaǵy jańa formattaǵy ózara yntymaqtastyq pen ashyqtyqty damytý jolyndaǵy mańyzdy qadam boldy.
A. SADYQBEKOV, Túrkistan oblysy boiynsha IMAD josparlaý, taldaý, eseptilik jáne sapany baqylaý bóliminiń basshysy
