Búgin Túrkistan qalasyndaǵy «Kongress holl» kópsalaly kesheninde bi janry boiynsha «TurkiSTAR» balalar men jasóspirimderge arnalǵan oblystyq óner festivali bastaldy, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Atalǵan festival Túrkistan oblystyq mádeniet basqarmasynyń qoldaýymen Memlekettik shyǵarmashylyq tapsyrys baǵdarlamasy aiasynda jeke kásipkerler tarapynan uiymdastyrylǵan úiirmeler arasynda ótkizilip keledi. Buǵan deiin án janry boiynsha ótken bolatyn. Jyl sońyna deiin akterlik sheberlik, kórkem sóz oqý jáne qylqalam, qolóner sheberleri men kiim dizainy janrlary boiynsha ótkizilmek.
Eki kúnge josparlanǵan baiqaýda oblystyń ár aýdan, qalalarynan kelgen 60 bi ujymy baq synamaq. Qazylar alqasy quramynda horeografiia mamandyǵynyń ustazdary men mádeniet salasynyń mamandary bar. Ádil qazylar sheshimimen erteń jeńimpazpazdarǵa I, II, III dárejeli diplomdar, sondai-aq arnaiy júldeler men yntalandyrý syilyqtary beriledi.
