Túrkistanda qalanyń «Qurmetti azamaty» Seıilhan  Sattarhanulyn eske alýǵa arnalǵan bokstan ashyq týrnır bastaldy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Seıilhan  Sattarhanuly – Sıdneı olımpıadasynyń chempıony Bekzat Cattarhanovtyń ákesi. Ónegeli ómirin shahardyń damýyna arnaǵan jan.

Týrnırdiń ashylý saltanatynda sóz alǵan qalalyq mádenıet, tilderdi damytý, dene shynyqtyrý jáne sport bóliminiń basshysy Qadyrbolat Musaǵalıev pen Seıilhan  Sattarhanulynyń jubaıy Syrlykúl Sattarhanova jas sportshylarǵa sáttilik tiledi.

Jarysta 2012-2013 jyly týylǵan jasóspirimder túrli salmaq dárejesinde synǵa túsedi. Sport dodasynda Túrkistan qalasy men Túlkibas, Qazyǵurt, Báıdibek, Otyrar, Saýran, Ordabasy, Jetisaı aýdandarynan kelgen 70-ge jýyq jas sportshy baq synasýda.

Aıta keteıik, bokstan ótip jatqan týrnırdiń fınaly 21-qyrkúıekte ótedi.