«Bıyl elimizde asa jaýapty saılaý ótti. Parlament Májilisi men jergilikti máslıhat quramy jańa tulǵalarmen tolyqty. Osy rette eldiń basym bóligi óz tańdaýyn jasap, «Nur Otan» partıasyna qoldaý bildirdi. Elbasy, Partıa Tóraǵasy Nursultan Nazarbaevtyń parıany qaıta jańǵyrtý baǵytyndaǵy tapsyrmasyna sáıkes, óńirlerde aýqymdy jumystar atqaryldy. Túrkistan oblysynda da partıany jańǵyrtý, onyń jumysyn jandandyrý boıynsha bastamalar qolǵa alyndy. Saılaýdyń qorytyndysymen oblysta «Nur Otan» partıasy 81 paıyzdan astam daýys jınap, oblystyq máslıhattaǵy 45 mandattyń 37-in jeńip aldy. Bul ortaq jeńiske Sizderdiń de qosqan úlesterińiz mol. Sizder oblystyq shtab quramynda kúrdeli ári jaýapty qyzmetti abyroımen atqardyńyzdar. Mine, osy eńbekterińiz eskerilip, Elasy Nursultan Nazarbaevtyń Alǵys haty tapsyrylyp jatyr. Barshańyzdy osy marapatpen quttyqtaımyn! Bıyl el Táýelsizdigine 30 jyl tolyp otyr. Osy mereıli sátti jemisti eńbekpen, sergek kóńilmen qarsy alamyz dep senemin», – dedi B.Tájibaev.
Úgit-nasıhat kezeńinde partıa úmitkerleri 4000-ǵa jýyq is-sharaǵa qatysyp, 220 myńdaı úıdi aralap shyqty. Negizinen oblystyq máslıhattaǵy «Nur Otan» depýtattyq korpýsyna kásipkerler, bilim, densaýlyq saqtaý, ónerkásip salasy, úkimettik emes uıym, BAQ ókilderi jáne aýyl sharýashylyǵy salasynyń ókilderi endi. Sonymen birge 1 kópbalaly ana da mandatqa ıe boldy. Jalpy oblystyq, aýdandyq jáne qalalyq máslıhattardy qosqanda oblysymyzda «Nur Otan» partıasy 263 mandatty ıelendi. Túrkistan oblystyq máslıhatyndaǵy «Nur Otan» partıasy fraksıasynyń quramy 60%-ke jańardy. Ortasha jasy – 47, ıaǵnı 4 jylǵa jasardy. «Nur Otan» fraksıasynyń jańa quramynyń 30 paıyzǵa jýyǵy áıelder men 35 jasqa deıingi jastardan turady.
Marapatqa ıe bolǵan partıa belsendileri Elbasy Nursultan Nazarbaevqa alǵystaryn bildirdi.
«El múddesi jolynda eńbek etýge, «Nur Otan» partıasynyń saılaýaldy baǵdarlamasyn júzege asyrýǵa atsalysamyz», – deıdi olar.
«Nur Otan» partıasy Túrkistan oblystyq fılıalynyń baspasóz qyzmeti
