«Túrkistan oblysynyń psihologiialyq qoldaý ortalyǵy» KMM-niń uiymdastyrýymen «PsyTalks: Zamanaýi psihologiialyq qyzmettiń jańa syn-qaterleri men múmkindikteri» taqyrybynda oblystyq konferentsiia ótti, - dep habarlaidy Dalanews.kz
Lektsiia men praktika formatynda ótken alǵashqy psihologtar konferentsiiasyna Túrkistan oblysy ákiminiń orynbasary Beisenbai Tájibaev, qoǵam qairatkeri Orazkúl Asanǵazyqyzy, oblystyq bilim basqarmasy basshysynyń mindetin atqarýshy Aigúl Qasymbekova men myńǵa jýyq pedagog-psiholog qatysty.
Konferentsiia barysynda barlyq qatysýshylar jasandy intellekt kómegimen WEGLOBAL.AI platformasynda eresekterge arnalǵan mazasyzdyq, depressiia jáne stress deńgeilerin anyqtaityn DASS21 psihologiialyq testdraivtan ótti. Testti 10 minýt ishinde 581 adam tapsyryp, sol mezgilde nátije saraptamasy qatysýshylarǵa ekran arqyly kórsetildi. Onyń ishinde qatysýshylardyń qai aýdannan kelgeni, jynysy, kóńil-kúii, alǵan áserine saraptama jasaldy.
Jiynda balalardyń zorlyq-zombylyqqa, býllingke jáne kiberbýllingke ushyraǵan nemese onyń kýágeri bolǵan kámeletke tolmaǵandardy erte anyqtap, olarǵa tiisti kómek kórsetý jumystaryn jandandyrý qajettigi týraly aityldy. Búgingi basqosý – kásibi psihologtarmen tájiribe almasýǵa, jańa ideialarmen bólisýge, ortaq máselelerge birge jaýap izdeýge úlken múmkindik.
«Qazirgi tańda mektep psihologynyń róli burynǵydan da artyp otyr. Oqýshylardyń psihikalyq saýlyǵy, olardyń oqýǵa, ómirge degen yntasy, synyp ishindegi qarym-qatynas, ata-anamen bailanys – osynyń bárinde sizderdiń kásibi qoldaýlaryńyz qajet. Oblystyq psihologiialyq qoldaý ortalyǵy – balalarǵa arnalǵan psihologiialyq qoldaý sharalaryn tiimdi júzege asyryp, olardyń áleýmettik jaǵdailarymen jeke máselelerine qatysty keshendi jumysty júrgizýde. Ortalyqtyń ashylýy óńirdegi balalardyń psiho-emotsionaldyq jaǵdaiyn jaqsartýǵa oń áserin tigizýde. Búgingi kezdesýde tyń oilar men tájiribelermen bólisip, bir-birlerińizge demeý bolyp, jańa serpinmen jumyla jumys isteisizder degen senimdemin», - dedi Beisenbai Dáýletuly.
Is-sharanyń basty maqsaty – mektep psihologtarynyń kásibi quzyrettiligin arttyrý jáne tájiribe almasýǵa múmkindik beretin biryńǵai kásibi alań qalyptastyrý. Konferentsiia jumysyna psihologiia salasynyń otandyq sarapshylary qatysyp, qazirgi bilim berý keńistigindegi psihologiialyq qyzmettiń ózekti máseleleri men bolashaǵy týraly baiandamalar jasady.
Keleli kezdesýde qatysýshylar tájiribelik treningter arqyly praktikalyq daǵdylaryn jetildirýge múmkindik aldy. «Túrkistan oblysynyń psihologiialyq qoldaý ortalyǵy» KMM direktory Orazkúl Qoldasovanyń aitýynsha, balalardyń, ata-analar men pedagogtardyń psihologiialyq saýlyǵyn nyǵaitýǵa baǵyttalǵan biryńǵai júieli qyzmetti qalyptastyrý pedagogtardyń kún tártibindegi negizgi máselesi.
Konferentsiia – óńirdegi bilim berý mekemelerinde qyzmet etetin psiholog mamandardyń kásibi damýyna, mektep oqýshylaryna kórsetiletin psihologiialyq kómektiń sapasyn arttyrýǵa baǵyttalǵan mańyzdy bastama.
