Túrkistan qalasynda «Mansap» ortalyǵynyń uiymdastyrýymen Jumysshy mamandyqtar jyly aiasynda boryshkerlerge, probatsiia qyzmeti esebinde turǵan azamattarǵa, bas bostandyǵynan aiyrý oryndarynan bosatylǵan tulǵalarǵa jáne múgedektigi bar jumysqa jaramdy azamattarǵa arnalǵan kezekti bos jumys oryndary jármeńkesi ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Jármeńkege qatysqan jumys berýshi mekemeler tómendegidei jumys oryndaryn usyndy:
Turaqty jumys – 22 mekeme, 115 bos jumys orny; “Jastar praktikasy” – 100-den asa mekeme, 1 382 bos jumys orny; “Qoǵamdyq jumystar” – 100-den asa mekeme, 583 bos jumys orny; “Áleýmettik jumys oryndary” – 20-dan astam mekeme, 73 bos jumys orny; “Kúmis jas” jobasy – 11 mekeme, 41 bos jumys orny.
Jármeńke barysynda jumys izdeýshiler jumys berýshilermen tikelei kezdesip, suhbattasý múmkindigine ie boldy. Sonymen qatar olar jumyspen qamtý baǵdarlamalary men eńbek naryǵyndaǵy múmkindikter týraly tolyqqandy aqparat aldy.
Bul shara áleýmettik osal toptarǵa qoldaý kórsetýge, olardyń turaqty jumyspen qamtylýyna jáne kásibi beiimdelýine yqpal etýdi kózdeidi.
