Túrkistan qalasynda «Jasyl Túrkistan» mekemesiniń bastamasymen 4 633 túp tal kósheti otyrǵyzyldy, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Kóshetter qaladaǵy Abylai han gúlzary, Baltakól tas joly boiy, Otyrar móltek aýdany men Ortalyq meshit mańynda egildi. Onda qaraǵash, safora jáne shynar aǵashtary otyrǵyzylǵan. Atalǵan jumystarǵa «Jasyl Túrkistan» mekemesinen 40-50 jumysshy jumyldyrylǵan.
Sonymen qatar, merdiger mekemeler tarapynan qosymsha 22 450 qaraǵash jáne órik tal kóshetteri egildi. Bul kóshetter Rýhaniiat saiabaǵy, Kentaý tas joly, Áýejai joly, Dendrosaiabaq, Qazybek bi alleiasy, Kerei han gúlzary aýmaǵynda otyrǵyzylǵan. Jalpy qalada kúzgi maýsymǵa 50 myńǵa jýyq kóshet egiledi.
