Túrkistan oblysynyń soty kámeletke tolmaǵanǵa qatysty zorlyq isi boiynsha úkim shyǵardy, dep habarlaidy Dala News.
Sottyń 2026 jylǵy 24 aqpandaǵy úkimimen B. QR Qylmystyq kodeksiniń 120-baby 3-1-bóligi 1-tarmaǵy jáne 149-baby 2-bóligi boiynsha kináli dep tanyldy.
Sot sheshimimen aiyptalýshyǵa 120-bap boiynsha 15 jyl bas bostandyǵynan aiyrý jazasy jáne ómir boiyna pedagogikalyq qyzmetpen ainalysýǵa, sondai-aq kámeletke tolmaǵandarmen jumys isteýge tyiym salý jazasy taǵaiyndaldy. 149-bap boiynsha oǵan bir jyl bas bostandyǵynan aiyrý jazasy berildi.
QK-niń 58-babynyń 3 jáne 5-bólikterine sáikes, jazalardy ishinara qosý arqyly túpkilikti 15 jyl 6 ai bas bostandyǵynan aiyrý jáne ómir boiyna balalarmen jumys isteýge tyiym salý jazasy belgilendi.
Úkim zańdy kúshine engen joq.
Eske sala keteiik, kúdikti ótken jyldyń qazan aiynda Keles aýdanynda ustalǵan bolatyn. Keiin bala quqyqtary jónindegi ýákil 15 jastaǵy qyz qańtar aiynda bosanǵanyn, al anasynyń aryzy qazan aiynda túskenin málimdegen. Qylmystyq is kámeletke tolmaǵannyń anasy politsiiaǵa júgingennen keiin qozǵalǵan. Buǵan deiin óńirlik politsiia departamenti tarapynan aryz tirkelmegeni aitylǵan.
