تۇركىستان وبلىسىنىڭ سوتى كامەلەتكە تولماعانعا قاتىستى زورلىق ءىسى بويىنشا ۇكىم شىعاردى، دەپ حابارلايدى Dala News.
سوتتىڭ 2026 جىلعى 24 اقپانداعى ۇكىمىمەن ب. ق ر قىلمىستىق كودەكسىنىڭ 120-بابى 3-1-بولىگى 1-تارماعى جانە 149-بابى 2-بولىگى بويىنشا كىنالى دەپ تانىلدى.
سوت شەشىمىمەن ايىپتالۋشىعا 120-باپ بويىنشا 15 جىل باس بوستاندىعىنان ايىرۋ جازاسى جانە ءومىر بويىنا پەداگوگيكالىق قىزمەتپەن اينالىسۋعا، سونداي-اق كامەلەتكە تولماعاندارمەن جۇمىس ىستەۋگە تىيىم سالۋ جازاسى تاعايىندالدى. 149-باپ بويىنشا وعان ءبىر جىل باس بوستاندىعىنان ايىرۋ جازاسى بەرىلدى.
قك-نىڭ 58-بابىنىڭ 3 جانە 5-بولىكتەرىنە سايكەس، جازالاردى ءىشىنارا قوسۋ ارقىلى تۇپكىلىكتى 15 جىل 6 اي باس بوستاندىعىنان ايىرۋ جانە ءومىر بويىنا بالالارمەن جۇمىس ىستەۋگە تىيىم سالۋ جازاسى بەلگىلەندى.
ۇكىم زاڭدى كۇشىنە ەنگەن جوق.
ەسكە سالا كەتەيىك، كۇدىكتى وتكەن جىلدىڭ قازان ايىندا كەلەس اۋدانىندا ۇستالعان بولاتىن. كەيىن بالا قۇقىقتارى جونىندەگى ۋاكىل 15 جاستاعى قىز قاڭتار ايىندا بوسانعانىن، ال اناسىنىڭ ارىزى قازان ايىندا تۇسكەنىن مالىمدەگەن. قىلمىستىق ءىس كامەلەتكە تولماعاننىڭ اناسى پوليسياعا جۇگىنگەننەن كەيىن قوزعالعان. بۇعان دەيىن وڭىرلىك پوليسيا دەپارتامەنتى تاراپىنان ارىز تىركەلمەگەنى ايتىلعان.
