Onyń aitýynsha bul maqsatta Túrkistan óńiriniń investitsiialyq tartymdylyǵy arttyrý jumystary júrgizilip jatyr. Túrkistanǵa investitsiia quiǵysy keletin sheteldik kásipkerler úshin óńirde barlyq jaǵdai jasalǵan.
«Atap aitar bolsam qazirgi tańda «TURKISTAN INVEST» kompaniiasynda oblysqa jalpy quny 507 mlrd. tengeni quraityn 19 jańa iri jobany tartý boiynsha jumystar bastaldy. Onyń ishinde, balamaly elektr energiiasyn óndirý boiynsha - 6, aýylsharýashylyq salasyna qatysty - 5, óńdeý ónerkásibine qatysty 8 joba bar. 4 kásiporynnyń biyl qurylysy bastaldy.
Barlyq jobalardy júzege asyrý aiasynda 14 myńǵa jýyq jańa jumys oryndary paida bolady dep josparlanýda. Olardyń qatarynda jalpy quny 13 240 mln. teńgelik «EkoProTeh-Astana» JShS kún elektrostantsiiasy - 20 adamdy, quny 95 000 mln. teńgeni quraityn «Standard Petroleum & Co» JShS munai óńdeý zaýyty - 1 000 adamdy jumyspen qamtymaq», - dedi óz sózinde Álibek Ermuhanuly.
Aita ketelik, budan buryn Túrkistan oblysyna 1 mlrd dollardan astam investitsiia tartylatyny habarlanǵan.
Óńirde iri úsh kásiporyn ashylady. Olar: túie sútin óńdeý, qaldyqtardan jasandy talshyq óndirý jáne aliýminii jabyndaryn shyǵaratyn zaýyt.
Budan bólek aimaqta frantsýz jáne nemis investorlarynyń qarajatyna jalpy somasy 56 million AQSh dollary bolatyn, qýaty 13 megavatt eki kún elektr stansasy salynyp jatyr. Al Sairam aýdanynda 11 gektarlyq jylyjai kesheni boi kóteredi. Jalpy, oblys boiynsha qazir jarty milliard dollarǵa para-par jiyn sany 10 investitsiialyq joba ázirlenip jatyr.
