Jeńistiń 80 jyldyǵy qarsańynda Túrkistan oblysy Ordabasy aýdanynda taǵylymdy shara ótti. Politsiia departamentiniń bastyǵy Murat Qabdenov pen Túrkistan oblysynyń prokýrory Murat Tleýberdiev jáne jas saqshylar ǵasyr kýási bolǵan Uly otan soǵysynyń ardageri Qalmen Muratulynyń shańyraǵynda bolyp, merekemen quttyqtady.
Surapyl soǵys dalasyna 8-synyptan attanǵan Qalmen Muratuly 1924 jyly ómirge kelgen. Maidanda nemis basqynshylarymen urysqa túsken ol, 1944 jyldyń aqpan aiynda Vitebsk qalasynyń mańynda bolǵan shaiqasta sol qolynan jaralanyp, emge jiberiledi.
Osylaisha elge II-toptaǵy múgedek bolyp oralǵan. Kezdesýge kelgen jas saqshylarǵa ardager óziniń erlikterin aityp, batasyn berdi. Búginde 101 jasty eńsergen qariia 6 ul, 2 qyz tárbielep ósirgen. Olardan 32 nemere, 85 shóbere súiip otyr.
General Murat Talapuly ǵasyr jasaǵan maidangerdiń denine saýlyq, otbasyna amandyq, qut-bereke tilep, syi-siiapatyn tabystady. Óziniń ónegeli áńgimelerin jas saqshylarǵa arnaǵan qariia, general bastaǵan ujymǵa alǵysyn bildirdi.
