Bıyl besinshi ret ótken «Voice of Turan – 2024» halyqaralyq qazaq ánderi baıqaýy óz máresine jetti. Respýblıka kúnine oraı Túrkistan oblysy ákimdiginiń qoldaýymen uıymdastyrylǵan halyqaralyq baıqaýda Armenıadan kelgen ánshi Cıýzanna Melkonán gran-prı ıegeri atandy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
Eki kún qatarynan ótken sharanyń alǵashqy kúninde sheteldik ánshiler elimizdiń óner sheberlerimen birge dýet oryndady. «Voice of Turan – 2023» halyqaralyq qazaq ánderi festıvaliniń jeńimpazy Ázerbaıjannyń tanymal ánshisi Laelıa Alıeva qonaq bolyp án shyrqady. Al ekinshi kúni qatysýshylar óz tańdaýyndaǵy qazaq ánin shyrqap, baqtaryn synady. Óner dodasyna halyqaralyq án baıqaýlarynda jetistikke jetken, 18-35 jas aralyǵyndaǵy estradalyq janrdaǵy oryndaýshylar, úlken konserttik qoıylymdarda tájirıbesi bar 16 úmitker qatysty.
Baǵy men baby qatar shapqan shyn talanttardy shyǵarmashylyq ıntellıgensıa ókilderi, tanymal oryndaýshylar, kompozıtorlar men prodúserler bar kásibı qazylar alqasy anyqtady. Onyń qatarynda kompozıtor, aqyn, QR Memlekettik syılyǵynyń ıegeri, «Parasat» ordeniniń ıegeri Tólegen Muhamedjanov, ánshi, Qazaqstannyń halyq ártisi, QR Memlekettik syılyǵynyń laýreaty, kompozıtor, prodúser, QR Mádenıet salasynyń úzdigi Baǵlan Omarov, ánshi, Qazaqstannyń eńbek sińirgen qaıratkeri, «Mádenıet qaıratkeri» medaliniń ıegeri Meırambek Bespaev, ánshi, Qazaqstannyń eńbek sińirgen qaıratkeri, «Daryn» memlekettik syılyǵynyń laýreaty Sáken Maıǵazıev, ánshi, Qazaqstannyń eńbek sińirgen qaıratkeri Marjan Arapbaeva, ánshi, Qazaqstannyń eńbek sińirgen qaıratkeri, «Qurmet» ordeniniń ıegeri Súndet Baıǵojın, rejıser, prodússer, QR Mádenıet salasynyń úzdigi, jobanyń bas prodúseri Meıirjan Alıakbarov bar.
Qazylar alqasynyń sheshimimen İ dárejeli dıplom Dımıtrına Germanova (Bolgarıa), İİ dárejeli dıplom Samır Ólchıev (Belarýs), İİİ dárejeli dıplom Braım (Kýba) men Darleanı Pernıa (Venesýela) ıelendi. Sonymen qatar Faro (Ázerbaıjan), Aelın Ielız (Túrkıa), Saıda Mýhametzánova (Tatarstan), Mýkaddas Ýsmonova (Ózbekstan), Tarrarın (Indonezıa) baıqaý dıplomanttary atandy. Al Tyva Respýblıkasynan kelgen Ishkın Oglý «Eń úzdik aranjırovka» arnaıy júldesimen marapattaldy. Ózge de qatysýshylarǵa yntalandyrý syılyqtary berildi.
Aıta keteıik, festıvál maqsaty – tól mýzykany, qazaqstandyq avtorlardyń úzdik shyǵarmalaryn, qazaq tilin nasıhattaý. Án arqyly álemge halqymyzdyń mýzyka mádenıetiniń san alýandylyǵyn kórsetý. Uly Dala elinde týyndaǵan shyǵarmalarda aıqyn saqtalǵan mýzykalyq erekshelikterdi kórsetý. Túrki álimniń rýhanı astanasy – kıeli Túrkistandy nasıhattaý.
