Túrkistan oblysynyń turǵyndaryna Soltústik óńirlerden bos jumys oryndary usynyldy, dep habarlaidy Dalanews.kz
Qazaqstannyń soltústik, ortalyq jáne shyǵys óńirleri – tabiǵi bailyǵy mol, múmkindigi keń, alaida adam kúshi jetispeitin aimaqtar. Aýyl sharýashylyǵy men óndiris, bilim men meditsina salasynda eńbek qolynyń tapshylyǵy kún tártibindegi ótkir másele.
Osy olqylyqtyń ornyn toltyrý úshin qolǵa alynǵan «Qonys aýdarý» baǵdarlamasy – tek kóshi-qon emes, bolashaqqa baǵyttalǵan naqty múmkindik. Jańa óńir – jańa tynys, jańa kásip pen turaqtylyqtyń kepili.
Baǵdarlama Túrkistan oblysynda keń kólemde júzege asýda. Jetisai men Maqtaaral aýdandarynda ótken jármeńkege elimizdiń 7 aimaǵynan kelgen delegatsiialar qatysyp, 10 myńnan astam bos jumys ornyn usyndy. Halyqqa baǵdarlama sharttary jan-jaqty túsindirilip, eńbekpen, baspanamen jáne áleýmettik qoldaýmen qamtamasyz etý joldary baiandaldy.
Baǵdarlama aiasynda usynylatyn qoldaý:
- Kóshý shyǵyndary tolyq óteledi;
- Bir jyl baspanamen qamtý nemese jaldaý aqysy men kommýnaldyq tólemderin óteý;
- Turaqty jumyspen qamtý;
- Kásip ashýǵa múmkindik;
- Balabaqsha, mektep, jer telimi syndy áleýmettik máseleler tolyq eskeriledi.
Jetisai aýdanyndaǵy jiynǵa QR Eńbek jáne halyqty áleýmettik qorǵaý ministrligi Kóshi-qon komitetiniń tóraǵasy Áset Baǵdatuly, oblystyq «Eńbek mobildiligi ortalyǵynyń» direktory Abzal Dáýletáliuly, Jetisai aýdany ákiminiń orynbasary Nurken Serikuly qatysyp, 300-ge jýyq turǵynmen erkin formatta kezdesý ótkizdi. Nátijesinde 40-qa jýyq jetisailyq, al Maqtaaralda 35 azamat qonys aýdarýǵa niet bildirdi.
2015 jyldan beri «Qýatty óńirler – el damýynyń draiveri» jobasy aiasynda Túrkistan oblysynan kóptegen otbasy óz erkimen soltústikke qonystanyp, jańa ómirge qadam basýda. Maqtaaral aýdanynan 144 otbasy 2018-2024 jyldary aralyǵynda jańa óńirge attanǵan.
Qonys aýdarý – týǵan topyraqtan úzilý emes, ómirdiń jańa belesine bet burý. Bul – el ishindegi eńbek teńdigin qamtamasyz etetin, bolashaǵy bar baǵdarlama.
