Naýryz meiramy qarsańynda Túlkibas aýdany Shaqpaq-baba eldi mekeninde jańa dárigerlik ambýlatoriia el igiligine paidalanýǵa berildi, dep habarlaidy Dalanews.kz
Nysannyń ashylý saltanatyna aýdan ákimi Asqar Estibaev, aýdandyq máslihat tóraǵasy Serǵali Sársembaev, aýdandyq aýrýhananyń bas dárigeri, aýyl aqsaqaldary men aýyldan sailanǵan máslihat depýtaty jáne aýyl ákimi qatysyp, turǵyndardyń qýanyshyn bólisti.
Zamanaýi dárigerlik ambýlatoriiada 1 jalpy dárejeli dáriger, 1 feldsher jáne 2 medbike halyqqa qyzmet kórsetedi. Igi sharada aýyl turǵyndary memleket tarapynan kórsetilip jatqan kómekterge dán riza ekendikterin jetkizdi. Nysannyń aýlasyna aǵash kóshetterin otyrǵyzyp, aqsaqaldar aq batasyn berdi. Atalǵan eldi mekende 4 myńnan astam turǵyn ómir súredi.
Aita keteiik, biyl aýdan aýmaǵyndaǵy 2 aýylǵa zamanaýi jańa ambýlatoriia salynyp, paidalanýǵa berilgen bolatyn. Sonymen qatar Qyzylbastaý eldi mekenine zamanaýi feldsherlik-akýsherlik pýnkt soǵý josparlanýda. Bul baǵyttaǵy jumystar jalǵasyn tabady.
