Búgin Túlkibas aýdanynda kezekti jalpyaýdandyq senbilik uiymdastyryldy. Atalǵan sharaǵa Jabaǵyly aýyldyq okrýgi ákimdiginiń qyzmetkerleri men aýdan ákimdigine qarasty derbes bólimderdiń mamandarynan quralǵan 250-ge jýyq adam belsene qatysty,- dep habarlaidy Dalanews.kz
Senbilik barysynda Jabaǵyly aýylyndaǵy týrister kóp keletin demalys aimaqtarynyń mańy qoqystan tazartylyp, kóshe boilary retke keltirilip, qoqys qaldyqtary arnaiy tehnikamen shyǵaryldy.
Mundai senbilikter — tek tazalyq sharasy ǵana emes, qoǵamdyq belsendilik pen ekologiialyq mádenietti arttyrýdyń naqty kórinisi. Aýdan turǵyndaryn bir maqsatqa biriktiretin bul bastamanyń maqsaty — "Taza Qazaqstan" respýblikalyq sharasyna qoldaý kórsetý, qorshaǵan ortany qorǵaý, óńirdiń ekologiialyq jaǵdaiyn jaqsartý jáne tabiǵi sulýlyǵyn saqtaý.
Aita keteiik, Túlkibas aýdany ákimdigi men tiisti mekemeler tarapynan aimaqtyń tazalyǵyn qamtamasyz etý, sanitarlyq talaptardyń saqtalýyn baqylaý jáne ekologiialyq turaqtylyqty arttyrý baǵytynda jumystar turaqty túrde jalǵasyn taba bermek.
