«Arsha trevel» ishki týrizmge jaýapty týrfirmasynyń direktory Ǵani Nazarbek osyndai pikir bildirdi.
— Keshe ǵana ekspeditsiiadan oralypsyzdar…
— Sozaq aýdany boiynsha zerdeleý júrgizdik. Shejireli Qarataý, syrly Sozaq, tereń tarih Teriskei deimiz ǵoi. Tabiǵatqa, tarihqa bai ólke. Maqsatymyz — ishki týrizmge barlaý, servis, joldaryn kórý boldy. Sonymen qosa jańalyq ta ashtyq. Tarihta kezdespegen petroglifter tabyldy. Onymen ólketanýshy O. Goncharov ainalysyp jatyr. Ekspeditsiianyń maqsaty oryndaldy. Alda Sozaq aýdany boiynsha týristik baǵytqa enetin bolady.
— Ekskýrsovodtar jaily sóz qozǵasaq. Ońtústikte kóp pe?
— Ólke tarihymen tanystyrýshy ekskýrsovodtar bar álbette, biraq jetkilikti deńgeide dep aitýǵa bolmaidy. Qazaqtildi tanystyrýshylar az. Ishki týrizm dep shetelden kelgen adamdy ishki týrizmge jatqyzýǵa bolmaidy. Ony kelý týrizmi, bizden baratyndardy shyǵý týrizmi dep ataimyz. Ishki týrizm degenimiz Qazaqstan azamattarynyń ishki týristik nysandardy ainalýy. Olardyń negizgi bóligi qazaqtildi azamattar. Negizinde qazaqtildi ekskýrsovodtardyń jetispeýshiligi baiqalady.
— Ekskýrsovod jan — jaqty bolýy mindetti me?
— Árine, Qazaqstannyń tarihyn tolyq bilýi, memlekettik simvoldardan bastap memlekettiń qurylýyn, tarihyn, ekonomikasyn, mádenietin, saiasi jaǵdailaryn, aparatyn nysandardyń sharýashylyǵy, halyqtyń tynys tirshiligin, jalpy barlyq jaǵynan habardar bolýy talap etiletin mindetterdiń biri.
— Ońtústikte kóbisi qasietti jerlerge ziiarat etýge kóp barady. Málimetti tolyq jetkize alatyn ekskýrsovodtar bar ma?
— Mamandar bar, árine. Áziret Sultan qoryq murajaiynyń mamandary, ekskýrsovodtary, bilikti azamattar bar. Áttegen-aiy, durys aqparat bermeitinder de bar. Qasietti oryndardy aralaǵanda Túrkistanda eki kún júrip qazaqtyń bai tarihy aitylmaityn kezder de bolady. Túrkistan qazaqtyń qainap jatqan tarihy ǵoi. Máselen, Otyrarǵa baryp turyp, Arystan babqa baryp qasyndaǵy Otyrar qalasyna kirmei ketemiz. Aita bersek, kem ketik kóp qoi…
