Sozaq aýdanynda BAQ ókilderine arnalǵan press-týr ótti,- dep habarlaidy Dalanews.kz
Týr aiasynda jýrnalister aldymen aýdan ortalyǵy Sholaqqorǵan aýylynda salynyp jatqan 200 oryndyq «Sporttyq-saýyqtyrý» keshenimen tanysty. Eki qabatty ǵimaratta voleibol jáne basketbol alańdary, kúres pen boks zaldary, bassein jáne fýtbol alańy ornalaspaq.
Sondai-aq, Sozaq aýylyndaǵy zaman talabyna sai jabdyqtalǵan sport alańshasynyń jumysymen tanysty. Onda jastar men jasóspirimder fýtbol oinap, sportpen shuǵyldana alady. Jalpy 1030 adamǵa arnalǵan stadion bar. Budan bólek, jattyǵý zaldary, «Street workout» jáne basketbol alańdary bar. BAQ ókilderine keiin Sozaq aýyldyq okrýgi apparatynyń jańa ákimshilik ǵimaratynyń qurylysy tanystyryldy.
Sondai-aq, jýrnalisterge aýdandaǵy «Sozaq sáýlet» memlekettik kommýnaldyq kásiporyny úshin satyp alynǵan jańa tehnikalar kórsetildi. Tehnikalar sany - 46, olardyń ishinde avtokran, júk tiegish, traktorlar, kamaz, ekskovator men qoqys tasityn kólikter bar. Týr aiasynda jýrnalisterge aýdan ortalyǵynda qurylysy júrip jatqan jańa kitaphana tanystyryldy. Onda zamanaýi talaptarǵa sai jabdyqtalatyn oqý zaldary, aqparattyq resýrstar ortalyǵy, balalar men jasóspirimderge arnalǵan arnaiy bólimder qarastyrylǵan.
BAQ ókilderine kelesi kezekte «Dostar» stadionynyń qurylysy kórsetildi. Stadionda 450 oryndyq kórermender alańy, júgirý jolaǵy jáne úlken fýtbol alańy boi kóterýde.
Sonymen qatar, press týrda Sholaqqorǵan aýyly, Jetkinshek móltek aýdanynda jeke investorlar esebinen salynyp jatqan 2 qabatty 3 turǵyn úidiń qurylysy tanystyryldy. Ár úide 8 páterden, jalpy 24 páter qarastyrylǵan. Sondai-aq, aýdan ortalyǵynda eki páterli 26 turǵyn úidiń qurylysy bastalǵan. Odan bólek, «Qazatomónerkásip» UAK» AQ-nyń demeýshiligimen 2 qabatty 2 turǵyn úidiń qurylysy júrgizilýde. Bul úilerde 16 páter ornalaspaq. Osylaisha, aýdan ortalyǵyndaǵy salynyp jatqan jańa páterlerdiń sany 92-ny quraidy. Odan bólek, aýdandaǵy Qumkent aýylynda qurylysy júrip jatqan «Saýda kerýeni» atty taqtaisha men Qumkent aýyldyq okrýgi apparatynyń kúrdeli jóndeýden ótip jatqan ákimshilik ǵimaraty tanystyryldy.
